Վիսկին՝ երկարակեցության գաղտնի՞ք

Երբ բրիտանուհի Դորոթի Հաուն նշում էր իր հարյուրամյակը, նա ասաց, որ իր երկարակեցության համար «շնորհակալ» է վիսկիին: Բնականաբար, այդ պահին նա իր ձեռքում մեկ բաժակ վիսկի ուներ:

Իհարկե, խելահեղ է թվում այն գաղափարը, որ վիսկիի նման թունդ ալկոհոլային խմիչքը կարող է երկարակեցություն «խոստանալ», սակայն բժիշկները պնդում են, որ, այս ալկոհոլային խմիչքի օրական 40-50մլ-ն իսկապես դրական է ազդում ամբողջ օրգանիզմի վրա:

Վիսկին ստացվում է գարու ածիկի, եգիպտացորենի, տարեկանի, ցորենի քաղցուի թորումից։

1. Վիսկին՝ ուղեղի առողջության համար

Այս թունդ խմիչքի չափավոր բաժինը լավացնում է ուղեղի կոգնիտիվ ֆունկցիան, ինչն էլ իջեցնում է Ալցհեյմերի հիվանդության առաջացման ռիսկը: Այն նաև կանխարգելում է ծերունական թուլամտությունը:

2. Վիսկին՝ սրտի և հոդերի առողջության համար

Օրական մեկ բաժին վիսկի խմելով՝ կարելի է 50%-ով իջեցնել սրտի կաթվածի ռիսկը: Ինչպես նաև, այս խմիչքի կանոնավոր օգտագործման դեպքում կարգավորվում է արյան մակարդումը, ինչն էլ նվազեցնում է թրոմբոզի գոյացման ռիսկը:

3. Վիսկին՝ քաղցկեղի դեմ պրոֆիլակտիկ միջոց

Էլագաթթվի բարձր մակարդակի շնորհիվ վիսկին ոչնչացնում է օրգանիզմի ազատ ռադիկալները և 45%-ով նվազեցնում է քաղցկեղի զարգացման ռիսկը:

4. Վիսկին՝ մարսողական համակարգի առողջության համար

Ուտելուց հետ մեկ բաժին վիսկին արագացնում է սննդի մարսման գործընթացը՝ կանխարգելելով մետեորիզմն ու աղիքային ծակոցները:

5. Վիսկին՝ շաքարախտի պրոֆիլակտիկ միջոց

Այս թունդ խմիչքը կարգավորում է արյան մեջ գլյուկոզայի մակարդակը, ինչն էլ կախարգելում է շաքարախտի զարգացումը:

Հիշե՛ք, որ ամեն ինչ չափի մեջ է գեղեցիկ:

Վիսկիի օրական ընդունված չափաքանակը 50 մլ է: Խմիչքի չարաշահումը բացասաբար է անդրադառնում օրգանիզմի վրա:

Նյութը հրապարակման պատրաստեց Լիլիթ Հարությունյանը