Բացահայտվել է համբույրի անսպասելի ազդեցությունը հոգեկան աշխարհի վրա
Համբույրներն անսպասելի ազդեցություն են ունենում մարդու հոգեկան և ֆիզիկական վիճակի վրա, ասում է հոգեբան Եկատերինա Իգոնինան։ «Մոսկվա 24»-ի հետ զրույցում նա բացահայտել է նման շփման ազդեցությունը։
Նրա խոսքով, սիրելիի հետ համբույրը կարող է ուրախության, քնքշության, վստահության, հաճույքի, թռիչքի և էյֆորիայի զգացում տալ, ինչը դրականորեն է ազդում ինքնագնահատականի վրա:
«Այն ամենը, ինչ մեզ հաճույք է պատճառում, նպաստում է այսպես կոչված ուրախության և երջանկության հորմոնների արտադրությանը: Դրանք դրական են ազդում մեր հոգե-էմոցիոնալ վիճակի վրա և նվազեցնում սթրեսի մակարդակը»,- ըստ shantnews-ի՝ ասել է Իգոնինան՝ հավելելով, որ որքան քիչ է սթրեսը, այնքան լավ է մարդու ընդհանուր բարեկեցությունը։
Հոգեբանը նշել է, որ ծնողների և երեխաների համբույրները նույնպես դրական են ազդում ինքնազգացողության վրա. ծնողներից երեխաները ստանում են մայրական և հայրական սեր, քնքշանք, հոգատարության և ուշադրության, ապահովության զգացում:
