Ինչպե՞ս բուժել թեփը և սեբորեան

Փոքր սունկը, որը «ապրում է» գլխի մազածածկույթում, կարող է թեփի առաջացման պատճառ դառնալ: Խնամված գեղեցիկ մազերը առողջության գրավականն են. նրանք մեզ դարձնում են գրավիչ և ինքնավստահություն են մեզ ներշնչում: Բայց մազերի թեփը կարող է ամեն ինչ փչացնել: Թեփը մի խնդիր է, որը, վիճակագրական տվյալների համաձայն` առաջանում է մեր երկրագնդի բնակչության 1/3-ի մոտ:

Թեփի առաջացման պատճառները

Թեփը համարվում է սեբորիա այն դեպքում, երբ խանգարվում է ճարպային գեղձերի նորմալ աշխատանքը (սեբորեան ճարպային գեղձերի գործընթացի խանգարումն է): Միաժամանակ փոխվում է այդ գեղձերի արտազատման արագությունը, ինչպես նաև՝ մաշկի ճարպի բնույթը: Սեբորիան կարող է լինել ճարպային (թանձր և նոսր), չոր և խառը: Սեբորիայի առաջացման ստույգ պատճառը հայտնի չէ, բայց կան երևույթներ, որոնք միանշանակ նպաստում են դրա զարգացմանը:

• Գենետիկան
• Ցածր իմունիտետը
• Հորմոնային խանգարումները
• Սթրեսները
• Նյութափոխանակության խանգարումը
• Մարսողական համակարգի խանգարումը
• Վիտամինների պակասը
• Քրոնիկ հիվանդությունները
• Մազերի ոչ ճիշտ խնամքը

Թեփի բնական  առաջացման պատճառ կարող է հանդիսանալ Pityrosporum-ի սունկը: Այս սնկիկը «ապրում է» մեզանից յուրաքանչյուրի մեջ, բայց  չափից շատ բազմանում և թեփ է առաջացնում  միայն այն դեպքում, երբ դրա համար բարենպաստ պայմաններ են լինում:

Սեբորիայի բուժումը

Խանութներում և դեղատներում վաճառում են բավական տարբեր կոսմետիկ  և բուժող արտադրանքներ, որոնք նախատեսված են թեփի դեմ: Եվ, որպեսզի հասկանաք , թե թեփի դեմ  ո՞ր միջոցն է արդյունավետ հատկապես ձեզ համար, դիմեք մաշկաբանին: Բժիշկը կախտորոշի ձեր մաշկի և մազերի վիճակը և կնշանակի որևէ բուժամիջոց: Բժշկին դիմելը պարտադիր է, շատ հնարավոր է, որ ձեզ մոտ հայտնաբերվեն  պսորիազ կամ էկզեմա հիվանդությունները, որոնք իրենց արտաքին դրսևորմամբ կարող են թեփի նման լինել: Այդ հիվանդությունները պահանջում են բոլորովին այլ բուժում:

Թեփի դեմ պայքարելու համար օգտագործվում են օճառահեղուկներ, դիմակներ և լոսյոններ: Դրանք բոլորը պարունակում են  հակասնկային, հակամանրէնային պատրաստուկներ: Կոսմետիկ միջոցների բաղադրության մեջ հաճախ ընդգրկվում են

• կետոկոնազոլ, բիֆոնազոլ, ծծմբային ցինկ՝ պատրաստուկներ, որոնք նախատեսված են թեփ առաջացնող սնկիկների դեմ պայքարի համար:
• սալիցիլաթթու և դիսուլֆադ  սելենա, որոնք ոչնչացնում են թեփը և կանխարգելում նրա կրկին առաջացումը:
• Կուպր և ծծումբ, որոնք  նպաստում են մահացած  բջիջների անջատմանը:

Որպեսզի կարողանաք թեփից ազատվել, կարևոր է ուշադրություն դարձնել սննդակարգին: Սեբորեայի դեպքում խորհուրդ է տրվում սահմանափակել քաղցրի, կծվի և  ճարպոտ սննդի  քանակությունը: Ձեր սննդակարգը անպայման պետք է հարուստ լինի А, В, С, Е վիտամիններով և բջջանյութերով: Բացի այդ թեփը բուժելու համար կիրառում են.

• կրիոմերսում հեղուկ ազոտով
• ֆիզիոթերապիա
• ուլտրամանուշակագույն ճառագայթներով ներգործություն

Որպեսզի բուժման արդյունքը երկարատև լինի՝ պետք է նաև ուշադրություն դարձնել իմունային համակարգին: Սեբորեայի բուժումը իրագործելու և թեփից ազատվելու համար կարելի է օգտագործել նաև ժողովրդական դեղամիջոցներ: Այսպես, օրինակ, ժողովրդական բժշկության համաձայն խորհուրդ է տրվում  հազարաթերթիկի կամ եղինջի եփուկով մերսել  գլխի մաշկը: Թեփի բուժումը, որպես կանոն,  տևում է 1-2 ամիս:  Թեփը հիվանդություն չէ, այլ գլխի մազածածկույթի ախտահարված ախտանիշ է՝ հիվանդագին ընթացքով:

Թեփի և սեբորիայի պրոֆիլակտիկան

• Հետևեք անձնական հիգենայի կանոններին: Մի՛ օգտագործեք ուրիշների սանրը և գլխի զարդարանքները: Ամեն օր խնամքով լվացեք ձեր սանրը:
• Սնվեք ռացիոնալ, հետևեք, որպեսզի կերակուրն իր մեջ պարունակի վիտամիններ:
• Զբաղվեք սպորտով, ձեր օրգանիզմը ապահովեք չափավոր ֆիզիկական ծանրաբեռնվածությամբ:
• Ուշադրություն դարձրեք ձեր հոգեկան վիճակին, քրոնիկական սթրեսի մի ենթարկվեք:
• Հետևեք իմունային համակարգին:

Պատրաստեց ՇՈՂԵՐ ԳԱԼՍՏՅԱՆԸ