Հասարակություն

Հիշեցնենք, նրա դեմ մեղադրանք է առաջադրվել ապրիլի 23-ին Գյումրու Շիրակացի փողոցում տեղի ունեցած փոխհրաձգության գործով. դեպքի օրը ապօրինի կերպով ձեռք բերված եւ իր մոտ պահվող հրազենով փորձել է կյանքից զրկել «Քավոր Հարութ» մականունով հայտնի Հարություն Խաչատրյանին

Ոստիկանության քրեական հետախուզության գլխավոր վարչության և «Զվարթնոց» օդանավակայանի գծային բաժնի ծառայողները օդանավակայանից բերման են ենթարկել 1975 թ. ծնված Նարինե Հ.-ին, որը 2010 թ. մարտի 3-ից ՌԴ Կարաչաևո-Չերկեսկի Հանրապետության իրավապահների կողմից հետախուզվում էր փաստաթղթեր, դրոշմներ, կնիքներ, ձևաթղթեր կեղծելու, իրացնելու կամ օգտագործելու մեղադրանքով:

Հուլիսի 22-ին, ժամը 10.19-ին ահազանգ է ստացվել, որ Երևանի Արագածի փողոցի թիվ 93 շենքի բնակարաններից մեկի պատշգամբին օձ է նկատվել, որին հայտնաբերելու համար անհրաժեշտ է փրկարարների օգնությունը:

Մոսկվայում կալանավորված հայ բարերար Լևոն Հայրապետյանին տեղափոխել են Մոսկվայի այսպես կոչված` «Матросская тишина» քրեակատարողական հիմնարկ: Այս մասին ի պաշտպանություն Լևոն Հայրապետյանի կազմակերպված ասուլիսի ժամանակ տեղեկացրեց իրավաբան Արթուր Սաֆարյանը, ում հաջողվել է այցելել Լևոն Հայրապետյանին:

Հիմնադրամում կասկած չունեն, որ Հայրապետյանի հասարակական լայնածավալ գործունեությունը միշտ ուղղված է եղել Ռուսաստանի, Հայաստանի և նրա փոքր հայրենիքի` Լեռնային Ղարաբաղի բարգավաճմանը

5 տարի առաջ սպանված փոխոստիկանապետ Գեւորգ Մհերյանի հորը հետաքրքրում է, թե ինչու է նախկին ոստիկանապետ Ալիկ Սարգսյանը գործով նախկին կասկածյալին համոզում, որ նա մեղքը վերցնի իր վրա:

Լևոն Հայրապետյանի դեպքում շատ վտանգավոր է, նա շատ մեծ քանակությամբ դեղեր է ստանում և ժամերով: Եթե այդ ժամերը խախտվեն, դա ծանր հետևանքներ կունենա: Ես հույս ունեմ, որ դատարանի որոշումը լավ ելք կունենա, և միայն այդ դեպքում հնարավոր կլինի պահել այդպիսի մեծ մարդու, մեծ հայի»,- նշեց Հենրի Բակունցը:

Ինչպես արդեն տեղեկացրել ենք՝ այսօր՝ հուլիսի 22-ին ԼՂՀ-ի Քաշաթաղի շրջանի Վաղազին գյուղում «Տոյոտա պրադո» մակնիշի 71OM100 պետհամարանիշի ավտոմեքենան պայթել է ականապատ տարածքում: ԱԻՆ-ից տեղեկացրել են, որ վարորդը տեղում զոհվել է, իսկ ուղևորներ Ռ. Խ.-ը, Ա. Բ.-ը և Գ. Ա.-ը հոսպիտալացվել են բժշկական կենտրոն, այնուհետև ուղղաթիռով տեղափոխվել Երևանի «Էրեբունի» բժշկական կենտրոն:

«Սուզուկի» մակնիշի քվադրոցիկլը Ծաղկաձորի Վ. Հարությունյան փողոցում շրջվել է, ինչի հետևանքով վարորդը և ուղևորը վնասվածքներով դիմել են հիվանդանոց:

Այրին դիմել է մարդու իրավունքների պաշտպան Կարեն Անդրեասյանին՝ խնդրելով աջակցել իր իրավունքների պաշտպանության հարցում: Օմբուդսմենը գործի նյութերն ուսումնասիրելուց հետո պարզել է, որ քննիչը լրացուցիչ բացատրություն չի վերցրել ազատամարտիկի այրուց, հարցաքննել է միայն կեղծ տեղեկություններ հաղորդելու մեջ կասկածվող մարդկանց, չի նշանակել դատագենետիկական փորձաքննություն: Պաշտպանը գործում հայտնաբերել է մի շարք այլ խախտումներ և անտեսված հակասություններ ևս:

Արմավիրի քաղաքապետ Ռուբեն Խլղաթյանի մոտ ախտորոշվել է գլխուղեղի սալջարդ, ուղեղի արյունազեղում, ձեռքի հինգերորդ մատի վնասվածք և երեսի բազմաթիվ վերքեր:

Հուլիսի 22-ին, ժամը 11.00-ին տեղեկություն է ստացվել, որ ժամը 06.30-ին սահմաններում ԼՂՀ-ի Քաշաթաղի շրջանի Վաղազին գյուղում «Տոյոտա պրադո» մակնիշի 71OM100 պետհամարանիշի ավտոմեքենան պայթել է ականապատ տարածքում:

«Ես՝ որպես քաղաքացի, որպես իրավաբան, առավել ևս որպես փաստաբան, գտնում եմ, որ դա արդարացի չէ, և պատրաստ եմ հնարավորինս աջակցել և օգնել, որպեսզի նորմը ճանաչվի հակասահմանադրական

Համացանցում տեղեկատվություն է տարածվել, թե իբր Անձնագրային և վիզաների վարչությունն այցելուների համար անհարմարություններ է ստեղծել, մասնավորապես, վարչության առաջին հարկում տեղադրվել է ընդամենը մեկ վճարային տերմինալ, որը հերթերի և կուտակումների պատճառ է դառնում:

ԼՂՀ Քաշաթաղի շրջանում «Վիլիս» մակնիշի ավտոմեքենայի պայթյունի արդյունքում վիրավորված անձինք տեղափոխվել են Էրեբունի բժշկական կենտրոն: Ինչպես կենտոնից տեղեկացրին 168.am-ին, նրանք այժմ հետազոտվում են, վիճակի մասին տեղեկություններ կլինեն ավելի ուշ:

Արցախի կառավարությունը անհրաժեշտ բոլոր միջոցառումները ձեռնարկում է, որպեսզի վիրավորները շտապ եւ օպերատիվ կերպով տեղափոխվեն Երեւանի «Էրեբունի» բժշկական կենտրոն:

Զոհված ազատամարտիկի կինը դիմել է իրավապահներին, երբ ամուսնու եղբայրը որդուն կեղծ վկայությունների եւ ապացույցների միջոցով դատարանում ճանաչել է տվել որպես իր ամուսնու՝ զոհված ազատամարտիկի որդի: Արդյունքում, տղայի նոր ծննդյան վկայականում հայրանուն է նշվել ազատամարտիկի անունը, իսկ հարազատ մոր անունը մնացել է նույնը:

Հուլիսի 19-ին Թբիլիսիի Սուրբ Էջմիածին եկեղեցու տարածքում տեղի ունեցած միջադեպից հետո, երբ դաժան ծեծի էին ենթարկվել Եկեղեցու քահանան և այլ հոգեւորականներ, կրքերը դեռ չեն հանդարտվում մեր հարևան երկրում։

Ֆոտոլրագրողի տեղեկություններով՝ վիրավորների մեջ է Արմավիրի քաղաքապետ Ռուբեն Խլղաթյանը, ում մյուս վիրավորների հետ ուղղաթիռով տեղափոխում են Երևան, իսկ մահացածը նրա վարորդն է՝ Արամը:

Ազատության մեջ գտնվելուց հետո Դուք մեկուսացել էիք Ծաղկաձորում, ու տեղեկություններ կային, որ Ձեր ընկերներից նեղացել եք, դրա համար էլ որոշել եք բոլորից հեռու ապրել։ Կա՞ իրականում նման բան։

Ինչպես վթարի վայրից հայտնում է ֆոտոլրագրող Գագիկ Շամշյանը, նշված ավտոբուսը սպասարկում է թիվ 54 երթուղին, որը հաշվառած է Երևան քաղաքի Թևոսյան 5 հասցեում գրանցված Երևանի ավտոբուս ՓԲԸ-ի հաշվեկշռում:

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ վաղը` պլանային և վերանորոգման աշխատանքներ իրականացնելու նպատակով, հետագայում վթարներից խուսափելու համար կհոսանքազրկվեն:

Հուլիսի 19-ին, ժամը 19.50-ին, ոստիկանության Նոր Նորքի բաժնի ծառայողները, գողություն կատարելու կասկածանքով, Երևանի Գյուլիքեխվյան փողոցի թիվ 12/Ա շենքի մոտից բերման են ենթարկել գեղեցկության սրահներից մեկի վարսահարդար, 1987 թ. ծնված Լիանա Խ.-ին:

ԼՂՀ ոստիկանությունը Քարվաճառում տեղի ունեցած դիվերսիոն գործողությունների վերաբերյալ հայտարարություն է տարածել և մանրամասներ ներկայացրել կատարվածի վերաբերյալ:

Հուլիսի 20-ին, ժամը 16.00-ին, «ՎԱԶ-21150» մակնիշի ավտոմեքենայի վարորդը Երևանի Բաբաջանյան և Ավան-Առինջի 1-ին թաղամաս տանող փողոցների խաչմերուկում վրաերթի է ենթարկել 1975 թ. ծնված Գայանե Հ.-ին:

Ճանապարհային ոստիկանությունը տեղեկացնում է, որ շարունակվում են Երևան քաղաքում երթևեկության նկատմամբ վերահսկողության և իրավախախտումների արձանագրման տեսախցիկների տեղադրման աշխատանքները:

Դատարանում տուժող ճանաչված պատգամավորը պատմեց, որ մի խումբ անձանց հետ գնացել են Եղվարդ, որտեղ ինքն ու Արտակը քննարկումներ են ունեցել, ապա՝ իմանալով, որ ամբաստանյալի մոտ մարդիկ կան հավաքված, գնացել են այնտեղ, որտեղ զրույցի ընթացքում Եղվարդից զանգահարել է ամբաստանյալը, որը հորը ցուցում է տվել բերել փոքր սեյֆը, որում եղել է ոսկեղենը:

20 տարեկան հասակում մանկատնից դուրս էր եկել ու հայտնվել փողոցում: Իսկ ժամանակավոր կացարանը Գյումրու քաղաքապետարանի կողմից օրերս էր նրան հատկացվել:

«Օրինակ, ես՝ լինելով ոստիկան, երբեք անչափահասին չեմ դիտում՝ որպես հանցագործի, որովհետև հատկապես անչափահասները կատարում են հանցագործությունը, հետո նոր գիտակցում են` ինչ են արել: Անչափահասին կարելի է ուղղել, ոտքի կանգնեցնել: Դրա համար պետք է այնպես անել, որ շրջապատը չիմանա նրա` հանցագործություն կատարելու մասին: Այս առումով հատկապես շատ կոպիտ սխալներ են թույլ տալիս լրագրողները. երբ խոսում են այդ դեպքերի մասին, հրապարակում են անչափահասի անունը, ցույց են տալիս դեմքը, բայց դրա մասին առհասարակ բարձրաձայնել չի կարելի»:

Հուլիսի 14-ից մինչև հուլիսի 20-ն ընկած ժամանակահատվածում Երևան քաղաքում իրականացված ծառայության ընթացքում ճանապարհային ոստիկանության ճանապարհապարեկային ծառայության 1-ին սպայական գումարտակի ծառայողների կողմից ճանապարհային ոստիկանության հատուկ պահպանվող տարածք է տեղափոխվել 128 տրանսպորտային միջոց: