Հասարակություն

Լուսիկ Գրիգորյանը մեղադրվում է մանկահասակ Էրիկին 2012թ. փետրվարից մինչև 2013թ. հունիսի 11-ն ընկած ժամանակահատվածում շահագործելու մեջ:

Ընկերությունը հայցում է գազասպառողների ներողամտությունը եւ խնդրում է պահպանել անվտանգության կանոնները:

Ես մի բանում եմ վստահ. ցեղասպանություններին, այլատյացության սերմանմանը, մշակութային արժեքների բարբարոսաբար ոչնչացմանը և նմանօրինակ մյուս բոլոր երևույթներին ժամանակին չտրված հստակ, առանց երկիմաստության գնահատականները հանգեցնում են այդ ամենի կրկնությանը: Օրինակնե՞ր: Որքան ուզեք:

Արցախյան շարժման տարիներին այս փոքրիկ գյուղը տվել է տասը զոհ, որոնցից հինգը մշտապես բնակվում էին Հաղորտում: Զոհվածներից երկուսն ուսուցիչներ էին՝ երկու երեխաների հայր, դպրոցի տնօրեն 40-ամյա Նելսոն Ղազարյանը և 3 երեխաների հայր 33-ամյա Վալերի Կարապետյանը, որին այգում աշխատելու ժամանակ թուրքերը բռնել, կապել էին թթենուն և ողջ-ողջ այրել:

«Նպատակ ունենք շրջել տարբեր երկրներում, տարբեր հայկական համայնքներից ներգրավել ավելի շատ ներդրողներ: Աշխարհում շատ է այն հայերի թիվը, որոնք ծանոթ չեն Արցախին, վերաբնակեցված տարածքներին, Արցախի քաղաքական հարցը դրսում ապրող շատ մեծահարուստների համար անծանոթ մի հարց է: Այնպես որ, մեր այցերը ոչ միայն նոր ներդրումներ գտնելու, այլև ուսուցողական նպատակ են ունենալու»,- ասում է Մասիս Ալեքսանդրյանը:

Ազատության հրապարակում «Հակահարված» արտ-խումբը իր հերթական բողոքի ակցիան է իրականացրել։ Այս անգամ խմբի անդամները Օպերայի շենքին փակցրել են Շանթ Հարությունյանի անչափահաս որդու ՝ Շահեն Հարությունյանի նկարը ՝ «Ազատություն» մակագրությամբ։

Մեր պաշտոնական վիճակագրությունը Հայաստան եկող ամեն մարդու զբոսաշրջիկ է հայտարարում, բայց միևնույն է, նրանց թիվը կես միլիոնից չի անցնում: Բայց մեզ ոչինչ չի կարող խանգարել համայնքների համաչափ զարգացման անզուգական ծրագրել գրելու և իրականացնելու գործում: Հատկապես, որ դրա համար 400 մլն դոլար տվող կա:

Արդեն մի քանի օր է՝ Ալավերդու Սարահարթ թաղամասի Շահումյան փողոցի վրա, հենց մայթից ջրամատակարարման ժամերին ջուր է դուրս հորդում՝ ողողելով ճանապարհն ու լցվելով հարակից շենքերի բակերը:

Նախկինում կատարված հանցագործություններից բացահայտվել է մարմնական վնասվածք հասցնելու 4 և գողության 1 դեպք:

Սեպտեմբերի 17-ին, ժամը 17.40-ին, ոստիկանության Բագրատաշենի բաժանմունքի ծառայողները Բագրատաշենի սահմանային հսկիչ անցակետի տարածքից բերման են ենթարկել ՌԴ քաղաքացի, 1958 թ. ծնված Մայիս Բ-ին:

Երևան քաղաքի Արաբկիր եւ Քանաքեռ վարչական շրջանների ընդհանուր իրավասության առաջին ատյանի դատարանն այսօր վերահաստատել է ԱԺ «Բարգավաճ Հայաստան» խմբակցության անդամ, «Սև հովազ» ջոկատի նախկին հրամանատար Ռուստամ Գասպարյանի որդու` Ռոմա Գասպարյանի նկատմամբ կալանքի որոշումը:

Ոստիկանության Շենգավիթի բաժնի ծառայողների բացատրական աշխատանքների շնորհիվ՝ բաժին է ներկայացել 1979 թ. ծնված Վարդան Ս.-ն և ներկայացրել «Ֆ-1» տիպի նռնակ` պայթուցիչով, նռնակ` առանց պայթուցիչի:

Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում

Սեպտեմբերի 18-22-ին շրջանների մեծ մասում գիշերվա առաջին կեսին և երեկոյան ժամերին սպասվում է կարճատև անձրև և ամպրոպ, առանձին վայրերում հնարավոր է կարկուտ:

Օգոստոսի 20-ին ոստիկանության Քանաքեռ-Զեյթունի բաժնում հաղորդում էր ստացվել անհայտ անձի կողմից Թամարա Ս.-ի պարանոցի ոսկյա շղթան` խաչով, հափշտակելու մասին:

Մասնավորապես, քրեակատարողական վարչության հատուկ նշանակության բաժնի առաջատար մասնագետ Ս. Օ-ի նկատմամբ կիրառվել է «Ծառայությունից ազատում» կարգապահական տույժը, նույն բաժնի պետ Զ. Ա.-ի նկատմամբ կիրառվել է «պաշտոնի իջեցում» կարգապահական տույժը:

«Դեպքերից մեկով հանցավորի համակարգի զննությամբ հայտնաբերվեցին շուրջ 800 պոռնկագրական բյութի տեսանյութեր, որոնցից 250-ը, ըստ փորձագիտական եզրակացության, հանդիսանում էին մանկական պոռնոգրաֆիա պարունակող նյութեր: Մեկ այլ դեպքում, ցավով պետք է փաստեմ, որ հենց հանցավորը աշխատում էր մի ոլորտում, որը ենթադրում է երեխաների հետ աշխատանք»,- ասում է Ոստիկանության կազմակերպված հանցավորության դեմ պայքարի գլխավոր վարչության 3-րդ վարչության պետ Տիգրան Պետրոսյանը:

ՀՀ հատուկ քննչական ծառայությունում նախապատրաստված նյութերով` ՀՀ քրեական օրենսգրքի 308-րդ հոդվածի 1-ին մասի հատկանիշներով հարուցվել է քրեական գործ:

Սարահարթի 3-րդ զանգվածի 12-րդ շենքը համար 2 բնակշահագործման տեղամասի աշխատակիցների համար մշտական աշխատատեղի է դարձել:

Վերջին ժամանակներս ունենք մի քանի դեպքեր, երբ երկու գործարարներ տարբեր երկրներում էլեկտրոնային նամակագրության միջոցով փորձում են ինչ-որ պայմանավորվածություն ձեռք բերել գործարքի վերաբերյալ, և երրորդ անձը՝ փաստացի ապօրինի հասանելիություն ստանալով այդ էլեկտրոնային նամակների բովանդակությանը, ստեղծում է նմանակ էլեկտրոնային փոստի հասցեներ, և ինքն է արդեն սկսում նամակագրություն վարել երկու կողմերի հետ:

Էկոլոգիական հավասարակշռությունը վերականգնելու համար որսաշրջանի ընթացքում նախատեսվում է որսալ 200 գայլ, ինչը կապահովի տվյալ միջոցառման արդյունավետությունը:

Նրան մեղադրանք է առաջադրվել ՔՕ-ի 268-րդ հոդվածի 2-րդ մասի 2-րդ կետի հատկանիշներով (խոշոր չափի թմրամիջոցների կամ հոգեմետ նյութերի ապօրինի շրջանառությունն առանց իրացնելու նպատակի):

Իր եզրակացության տեքստում կառավարությունը ողջունում է նախաձեռնության հեղինակի՝ Նիկոլ Փաշինյանի նպատակադրումը՝ նշելով, որ ՀՀ վարչապետ Հովիկ Աբրահամյանի 2014թ. սեպտեմբերի 3-ի որոշմամբ ստեղծվել է աշխատանքային խումբ, որի առաջարկությունների հիման վրա կձևավորվի արտոնություն սահմանող օրենսդրական նախաձեռնությունների փաթեթ, որով խնդիրը համապարփակ և ամբողջական լուծում կստանա:

Լրագրողների հարցին՝ արդյոք ֆեյսբուքյան էջը ջարդե՞լ են և նամակագրական կապն արհեստական ստեղծե՞լ, թե դա եղել է, պարզապես բացահայտել են, Տիգրան Պետրոսյանը պատասխանեց. «Ես չեմ կարող նման գնահատական տալ, քանի որ դեռ փորձաքննության պատասխաններն էլ չկան: Փորձաքննությունները նշանակվել են քննիչի կողմից, և դրանց պատասխանները լինելու դեպքում արդեն գնահատական կտրվի՝ արդյոք խոսքը վերաբերում է միայն համակարգչային տեղեկատվությանն ապօրինի տիրանալո՞ւն, թե՞ նաև անձնական տեղեկատվություն հրապարակելուն կամ կեղծելուն: Բոլոր հարցերի պատասխանը կտրվի միայն և միայն փորձաքննությունների արդյունքում»:

«Պարոն Աբրահամյանը իմ ղեկավարն է, ես նորից եմ կրկնում՝ չեմ սրտնեղում որևէ կերպ դրանից: Ընդամենը աշխատանքային ինչ-որ մթնոլորտի եք բան անում»,- այսօր կառավարության նիստից հետո լրագրողներին հայտարարեց ՀՀ տրանսպորտի և կապի փոխնախարար Արթուր Առաքելյանը՝ մեկնաբանելով նիստի ընթացքում ՀՀ վարչապետի կոպիտ վարմունքը նրա հետ, երբ փոխնախարարը ներկայացնում էր ճանապարհներին պետտուրքի կիրառման վերաբերյալ օրենքի նախագիծը, իսկ Հովիկ Աբրահամյանը նրա խոսքն ընդհատեց՝ ասելով՝ «քո կարծիքը կարևոր չի»:

Է. Համբարձումյանը աշխատում է Արցախի ՃՈ-ում՝ որպես ավագ տեսուչ, կոչումով կապիտան է, իսկ Ա. Հայրապետյանը՝ տեսուչ, կոչումով՝ կապիտան: Կայքի տեղեկություններով՝ նրանց ավտոմեքենան ուղեկցում ուղեկցում էր Երևան մեկնող Արցախի Հանրապետության նախագահ Բակո Սահակյանին:

Սեպտեմբերի 17-ին, ժամը 20.20-ին, հիվանդանոցից ոստիկանության Մալաթիայի բաժնում հաղորդում է ստացվել, որ «ձախ սրունքի կոտրվածք և պոլիտրավմա» ախտորոշմամբ բուժօգնության է տեղափոխվել 7-ամյա աղջիկ:

Տավուշի մարզի Չինարի գյուղի բնակիչ Կարեն Պետրոսյանի՝ Ադրբեջանի տարածքում հայտնվելու և հետագայում ադրբեջանական զինվորական ծառայողների կողմից խոշտանգման, անմարդկային վերաբերմունքի ենթարկվելու և նրա մահվան դեպքի կապակցությամբ 2014թ. սեպտեմբրի 15-ին իրավապաշտպան հասարակական կազմակերպությունների ղեկավարներ Ավետիք Իշխանյանը, Լարիսա Ալավերդյանը և Արթուր Սաքունցը դիմել են Խոշտանգումների կանխարգելման եվրոպական կոմիտե (Եվրոպայի խորհուրդ), Խոշտանգումների դեմ կոմիտե (ՄԱԿ), ինչպես նաև Խոշտանգումների կանխարգելման ենթակոմիտե (ՄԱԿ):

Սեպտեմբերի 18-ին, ժամը 13.27-ին տեղեկատվություն է ստացվել, որ Սիսիան-Գորիս ավտոճանապարհի 17-րդ կմ-ում տեղի է ունեցել ՃՏՊ, անհրաժեշտ է փրկարարների օգնությունը:

«Պավլիկ Սաֆարյանը հայտարարել է, որ 2 հատ դրեք, դրել ենք 2 հատ,- հայտարարեց վարչապետը,- Դե հիմա, Ատո´մ, ինձ Պավլիկը ասել է, որ 7-ից դնում ենք 2-ը և պահանջը լրիվ բավարարում ենք: Հիմա չգիտեմ՝ ում հավատանք»: