Փաստաբան Թամարա Յայլոյանը, որպես Վալերի Պերմյակովի հանրային պաշտպան, մասնակցել է որպես կասկածյալ նրա հարցաքննությանը, ինչպես նաև մի քանի այլ քննչական գործողությունների: 168.am-ը զրուցել է փաստաբանի հետ, ով հրաժարվել է նրա պաշտպանությունից:
ՀՀ տարածքային կառավարման և արտակարգ իրավիճակների նախարարությունը տեղեկացնում է, որ հունվարի 17-ի ժամը 12.00-ի դրությամբ ՀՀ տարածքում բոլոր ավտոճանապարհները հիմնականում անցանելի են:
Այո, երեկ գյումրեցիները ցույց տվեցին ամբողջ աշխարհին, որ Հայաստանի քաղաքացին կարող է պաշտպանել իր պետության շահերը եւ պատիվը, իսկ այսօրվա անդորրով ապացուցեցին, որ Հայը երբեք չի գնա նացիոնալիստական ատելության ճանապարհով, ինչը արդեն փորձում էին մեր վրա կախել որոշ արտասահմանյան լրատվամիջոցներ:
Ռուս հայտնի հաղորդավարը հայերենով ներողություն է խնդրել հայ ժողովրդից:
Բջջային հեռախոսի օպերատորից պահանջվել են Ավետիսյանների ընտանիքի անդամների ելքային ու մուտքային հեռախոսազանգերի վերծանումները՝ նկատի ունենալով, որ քրեական գործով կան հիմքեր ենթադրելու, որ սպանություններն իրականացրած անձը կարող էր հափշտակած եւ օգտագործած լինել նաեւ տուժողների հեռախոսները։
Ղարաբաղա-ադրբեջանական հակամարտ զորքերի շփման գծում հակառակորդը շարունակում է ինտենսիվորեն խախտել հրադադարի պահպանման ռեժիմը:
Գյումրիում Ավետիսյանների ընտանիքի վեց անդամների սպանության և մեկ անդամի սպանության փորձի գործով կատարվում են քննչական գործողություններ՝ հանցագործության բոլոր հանգամանքների բազմակողմանի բացահայտման ուղղությամբ:
Բանն այն է, որ երկաթուղին պետք է անցներ լեռնաշղաներով և խոր ձորերով։ Ծրագիրն իրականացնելու համար անհրաժեշտ է փորել 17 թունել՝ յուրաքանչյուրը 800 մետր երկարությամբ, և 20 էստակադա։
Ըստ Սկակովի՝ կան շատերը, որոնք այս հարցում հետաքրքրված են ու այս միջադեպը կօգտագործեն հենց այդ նպատակներով և սեպ կխրեն հայ-ռուսական հարաբերություններում
Սպանվածների թաղման արարողությունից հետո բազմաթիվ ցուցարարներ էին հավաքվել դատախազության շենքի դիմաց: Հայաստանի գլխավոր դատախազ Գեւորգ Կոստանյանը, դուրս գալով հավաքվածների մոտ, խոստացավ, որ կդիմի Ռուսաստանի իր գործընկերոջը Պերմյակովին Հայաստանի իրավապահ մարմիններին հանձնելու առաջարկությամբ: Մարդիկ չէին հեռանում, նրանք կասկածում էին, որ ռուսաստանցի զինվորականը դեռ 102-րդ ռազմաբազայում է:
Գյումրիում դաժանաբար սպանված ընտանիքի միակ փրկված անդամի՝ 6-ամսական Սերյոժա Ավետիսյանի համար ՀՀ Ազգային ժողովի աշխատակազմի ղեկավար Հրայր Թովմասյանը պատրաստ է անել այն ամենը, ինչ արել է իր երեք զավակների համար:
Այծյամ որսացողներին հայտնաբերեցին:
«Երբ մենք գնացինք, նրան երկու հրաման տրվեց` կանգնել և դեմքով դառնալ դեպի դուռը: Մենք անցքից նայել ենք, ու այդ պահին ուրիշ ինչ-որ բանի մասին էլ չես մտածում, ընդամենը ուզել ենք հավաստիանալ, որ դա նույն անասունն է, որի նկարը շրջանառվում է համացանցով: Սովորական թշվառ զինվորի կեցվածք եմ նկատել: Ես ստացել եմ տպավորություն, որ նա լուռ, հրամաններին ենթարկվելով, կանգնած էր դեպի դուռը»:
«Ամեն ինչ ստացվեց՝ ինչպես պլանավորված էր։ Կատարել ենք գլխուղեղի փորոքների դրենավորում: Հիվանդների մոտ տրավմայից հետո լինում է ուղեղի հեղուկի շրջանառության խանգարում, քանի որ գանգի մեջ հավաքվում է ավելորդ հեղուկ, որը մենք կոչում ենք ողնուղեղային հեղուկ, որն էլ մեծացնում է ներգանգային ճնշումը՝ բերելով ուղեղի արյան շրջանառության խանգարման, եւ կարող է լինել ուղեղի վնասման պատճառ՝ հանգեցնելով մահվան կամ հաշմանդամության։ Դրանից խուսափելու համար մենք, չնայած երեխայի ծանր վիճակին, արեցինք այդ վիրահատությունը»:
Փաստաբանի խոսքով՝ գործին մասնակցող անձանց ցուցմունքներից և այլ ապացույցներից հստակ երևում է, որ ամբաստանյալների նպատակը եղել է միայն խաղաղ հանրահավաք անցկացնելը: «Ի դեպ, խաղաղ հանրահավաք անցկացնելու մասին Շանթ Հարությունյանը նախօրոք դեռևս 2013 թ. հոկտեմբերի 30-ին մեկ այլ ցույցի ժամանակ հայտարարել է, որ նոյեմբերի 5-ին լինելու է խաղաղ հանրահավաք: Անտրամաբանական է, որ ցույցի խաղաղ մասնակիցները նախապես ոստիկաններին հայտնեին, որ լինելու է հանրահավաք, և նախապես ուղղակի դիտավորությամբ կազմակերպեին խուլիգանություն»,- ասաց նա:
Ես կարծում եմ, որ այդպես է, ուղղակի մի բան էլ չպետք է մոռանալ, որ մեր իրավապահ մարմինները համագործակցում են: Կարծում եմ՝ ՌԴ-ն էլ ամենաարդարացի պատիժը տալու է, դա քաղաքական գործիչ չի, չգիտեմ ինչ չի, ընդամենը մի հատ 18 տարեկան հանցագործ, սրիկա է, էլի: Ու այս մեր հարաբերությունների մեջ, չեմ կարծում, որ Ռուսաստանը կարող է այդ հանցագործի համար որոշակի խախտումներ անի:
Հունվարի 12-ին սպանված Ավետիսյանների հարազատները հանդես են եկել հայտարարությամբ: Նրանք բոլորին հանգստության կոչ են արել և նշել, որ իրենց վիշտը պետք չէ քաղաքականացնել:
Գյումրիում կատարված ոճրագործության առաջին իսկ պահից Հայաստանի իշխանության գործողությունները բացարձակ անհամարժեք են տեղի ունեցածին, ինչի հետեւանքով սրվել է իրավիճակը` հանգեցնելով ժողովրդի եւ ոստիկանության միջեւ բախումների։
«Համոզմունք ունեմ, որ կատարվածը խորապես պլանավորված սադրանք էր, որի մասին շատ շուտով կիմանանք: Կայսրության ձեռագիրն էր: Չեմ մոռացել 1988 թվականը, երբ մեր ժողովրդին ծնկի բերելու համար ինչ սադրանքներ էին գործում ռուսական զորքերը՝ թե կայարանի, թե Զվարթնոցի դեպքերը: Ճիշտ է ոճերն են տարբեր, բայց հոտը նույնն է, ծնկի բերելու խնդիր կա: Այսինքն, երազեցիք, որ մի քսան տարի անկախ եք, սրանք դեռ առաջին ծիծեռնակներն են»:
«Օրինաց երկիր» կուսակցությունը կոչ է անում նաև Ռուսաստանի պատկան մարմիններին ձեռնարկել գործուն միջոցառումներ՝ Գյումրիի 102-րդ ռազմակայանում կարգուկանոնի բարձրացման ուղղությամբ հետագայում որևէ այլ ողբերգություն կամ հանցագործություն թույլ չտալու համար, և պատժել բոլոր նրանց, նաև ում ծառայողական անփությության և անգործության հետևանքով այդ ոճրագործությունը տեղի ունեցավ:
Ինչպես արդեն տեղեկացրել էինք, ՀՔԱ Վանաձորի գրասենյակը բողոքներ է ներկայացրել ՀՀ Վարչական և ՀՀ Վարչական վերաքննիչ դատարաններ, որոնցով պահանջել է ոչ իրավաչափ ճանաչել ՀՀ նախագահ Ս. Սարգսյանի Մաքսային միության անդամակցելուն ուղղված գործողությունները, մասնավորապես 2013 թ. սեպտեմբերի 3-ի հայտարարությունը: ՀՀ վարչական և ՀՀ վերաքննիչ վարչական դատարաններ ուղարկված բողոքների քննությունը մերժվել էր, պատճառաբանությամբ, որ այդ հարցով ՀՀ վարչական դատարանը չի կարող զբաղվել, վկայակոչելով ՀՀ Վարչական դատավարության օրենսգրքի 66-րդ, 67, 68-րդ և 69-րդ հոդվածները և արդյունքում անհնարին է դառնում ՀՀ որևէ դատական ատյանում բողոքարկել ՀՀ նախագահի իրականացրած գործողությունները կամ անգործությունը:
«Գյումրիում տեղի ունեցած ինքնաբուխ բողոքի ակցիայի ժամանակ երեկվա դեպքերի հետ կապված հարուցվել է քրեական գործ»,- այս մասին armtimes.com-ին ասել է Քննչական կոմիտեի մամուլի խոսնակ Սոնա Տռուզյանը: Քրեական գործը հարուցվել է ՀՀ քրեական օրենսգրքի 258-րդ հոդվածով և 316-րդ հոդվածի 2-րդ մասի հատկանիշներով՝ խուլիգանություն և իշխանության ներկայացուցչի նկատմամբ կյանքի կամ առողջության համար վտանգավոր բռնություն գործադրելը:
«Հայաստանի զարգացման նախաձեռնություններ» (IDeA) հիմնադրամի գլխավոր տնօրեն Արմեն Գեւորգյանն ու Ասիական զարգացման բանկի (ԱԶԲ) հայաստանյան ներկայացուցիչ Դեյվիդ Դոլն այսօր կայացած հանդիպմանը քննարկեցին հիմնադրամի ծրագրերի շրջանակում համագործակցության հնարավորությունները:
Հայաստանի երիտասարդական հիմնադրամը ՀՀ կառավարության և ՀՀ կրթության և գիտության նախարարության աջակցությամբ կփոխհատուցի ՀՀ սահմանամերձ (սահմանապահ) համայնքներում բնակվող և պետական բուհերի առկա ուսուցման համակարգի բակալավրիատում սովորող ուսանողների տվյալ կիսամյակի ուսման վարձը։
Հունվարի 16-ին, ժամը 16.05-ին ահազանգ է ստացվել, որ այրվում է Արարատի մարզի Արտաշատ քաղաքի Մամիկոնյան փողոցի թիվ 5 տունը:
Սամվել Բալասանյանը խոստացել է առաջին ներդրումն անձամբ անել: Քաղաքապետն Ավետիսյանների ընտանիքին կոչ է արել զերծ մնալ սադրանքներից և չգիտակցված քայլերով ոմանց շոուների մասնակիցը չդառնալ: Նա սպանվածների հարազատների հետ քննարկել է նաև Ավետիսյանների գերեզմանաքարի տեղադրման աշխատանքների կազմակերպման հարցերը, իսկ վերջում տեղեկացրել, որ հունվարի 17-ին քաղաքապետարանի ներկայացուցիչները կայցելեն Երևանի «Սուրբ Աստվածամայր» բժշկական կենտրոնում գտնվող Սերյոժա Ավետիսյանին:
Լավագույն տասնյակում ընդգրկված քաղաքների շարքում Երևանին համապատասխանաբար հաջորդում են Բրատիսլավան, Տորոնտոն, Շանհայը, Դուբայը և Պրահան: Հարկ է նշել, որ համանման նախորդ հետազոտության ժամանակ Երևանի քաղաքապետարանը էլեկտրոնային կառավարման հնարավորություններով զբաղեցրել էր 19-րդ հորիզոնականը:
Նախագահ Սերժ Սարգսյանին այսօր իր հավատարմագրերն է հանձնել Հայաստանի Հանրապետությունում Չեխիայի Հանրապետության նորանշանակ արտակարգ և լիազոր դեսպան Պետր Միկիսկան:
«Մեր կառավարությունը խստիվ դատապարտում է այդ նողկալի արարքը: Գոյություն չունի որևէ դրդապատճառ, որը կարդարացներ անմեղ մարդկանց սպանությունը: Վստահ ենք, որ մեղավորները կկրեն իրենց պատիժը օրենքի ողջ խստությամբ: Հուսով ենք , որ այդ ողբերգական իրադարձությունը չի անդրադառնա մեր երկրների բազմամյա բարեկամական հարաբերությունների վրա»:
ՀՀ առողջապահության նախարարությունը Instagram-ի իր էջում տեղադրել է Գյումրիում սպանությունից փրկված Սերյոժա Ավետիսյանի լուսանկարը: «Եկեք աղոթենք Սերյոժայի համար»,- գրել է նախարարությունը: Այժմ 6 ամսական երեխան գտնվում է «Սուրբ Աստվածամայր» բժշկական կենտրոնում:
