ԱՄՆ-ն արձագանքել է Պուտինի վերջին հայտարարությանը
Զենքի վերահսկման ամերիկյան ասոցիացիայի տնօրեն Դերիլ Քիմբոլը աջակցել է ռազմավարական սպառազինությունների կրճատման մասին պայմանագրի վերաբերյալ Ռուսաստանի նախագահ Վլադիմիր Պուտինի հայտարարությանը։ Նա այս մասին գրել է X սոցիալական ցանցի իր էջում։
«Կարևոր և դրական քայլ»,- գրել է նա։
Երկուշաբթի օրը Պուտինը ճեպազրույց է անցկացրել Անվտանգության խորհրդի մշտական անդամների հետ, որի ընթացքում հայտարարել է ռազմավարական սպառազինությունների կրճատման մասին պայմանագրի սահմանափակումներին հետևելու Ռուսաստանի պատրաստակամության մասին։ Նա ընդգծել է, որ դա արդյունավետ կլինի միայն այն դեպքում, եթե Միացյալ Նահանգները փոխադարձաբար արձագանքի։ Այդ դեպքում պայմանագրի դրույթները կարող են կիրառվել մեկ տարի։ Այնուամենայնիվ, կամավոր ինքնասահմանափակումները շարունակելու վերաբերյալ որոշումը կկայացվի իրավիճակի վերլուծության հիման վրա։
