Եվրամիությունը Պաղեստինի համար դոնորների խումբ կստեղծի
Եվրամիությունը կստեղծի դոնորների խումբ՝ Պաղեստինին և Գազային աջակցելու համար։ Այս մասին հայտարարել է Եվրահանձնաժողովի նախագահ Ուրսուլա ֆոն դեր Լեյենը Նյու Յորքում՝ Պաղեստինի հարցի խաղաղ կարգավորմանը նվիրված միջազգային համաժողովում, հաղորդում է Интерфакс-ը։
Նա նշել է, որ Պաղեստինի ինքնավարության գոյատևումը վտանգված է, ուստի ավելին պետք է արվի։
«Ահա թե ինչու մենք կստեղծենք դոնորների խումբ Պաղեստինի համար»,- ասել է Եվրահանձնաժողովի նախագահը։
Լեյենը հավելել է, որ ԵՄ-ն Գազայում պատերազմի սկզբից ի վեր Պաղեստինի վարչակազմին տրամադրել է 1,6 միլիարդ եվրո օգնություն:
