Արտակարգ իրավիճակ Շիրակի մարզում: Առատ տեղումների հետևանքով Կառնուտի ջրամբարի ջրի մակարդակը բարձրացել է ու ողողել շրջակա գյուղերը:
Հատուկ քննչական ծառայության քննիչի վարույթ է ընդունվել քաղաքացու ընտրական իրավունքի ազատ իրականացմանը խոչընդոտելու դեպքի առթիվ հարուցված քրեական գործը, որով նախապատրաստված նյութերի համաձայն, Երևանի ավագանու ընտրություններից հետո` 2017 թվականի մայիսի 16-ին, թիվ 7/51 ընտրական տեղամասի քվեարկության արդյունքների վերահաշվարկի ժամանակ պարզվել է, որ մի շարք անվավեր քվեաթերթիկների վրայից անհետացել են կողմ քվեարկած նշումների թանաքանյութերը:
ՀՀ քննչական կոմիտեի Սյունիքի մարզային քննչական վարչությունում հարուցվել է քրեական գործ՝ Կապանում պատմական առանձնակի արժեք ունեցող դամբարանները քանդելու և թալանելու դեպքի առթիվ:
Նախագահ Սերժ Սարգսյանն այսօր ցավակցական հեռագիր է հղել Գևորգյանցների ընտանիքին Հայաստանի Հանրապետության ժողովրդական արտիստ, անվանի կինոռեժիսոր Ռուբեն Գևորգյանցի մահվան կապակցությամբ:
Զորակոչիկի հայրը ՀՀ մարդու իրավունքների պաշտպանին հասցեագրած դիմումով տեղեկացրել է, որ 2015 թվականի ձմեռային զորակոչի ժամանակ իր որդու մոտ ախտորոշվել է հիվանդություն, և նա առողջական վիճակի պատճառով Հանրապետական զորակոչային հանձնաժողովի որոշմամբ ստացել է տարկետում` մինչև մեկ տարի ժամկետով: 2016 թվականին մեկ այլ բժշկական հաստատությունում ախտորոշվելուց հետո, դիմումատուի պնդմամբ, պարզ է դարձել, որ որդու հիվանդությունը դրական փոփոխության չի ենթարկվել:
«Խնդրում եմ՝ շատ պատասխանատու, ինտենսիվ մեր այսօրվա հանձնարարականներն ադապտացնել տեղերում և նույն տեմպով աշխատել»։
ՀՀ վարչապետի որոշմամբ ստեղծվել է Ռուբեն Գևորգյանցի հուղարկավորության կազմակերպման կառավարական հանձնաժողով:
Մ.թ.ա. 1-ին հազարամյակի երեք դամբարանները քանդելու և թալանելու գործը բացահայտվեց։
Գողացված քարտով կանխիկացվել է 160.000 դրամ: Տեսախցիկը ֆիքսել է կատարողի դեմքը:
Դիտարկում իրականացնելով «Սլավ գրուպ» ՓԲԸ-ում (հունիսի 20-ին տրված հրամանի հիման վրա)՝ ՀՀ ԳՆ սննդամթերքի անվտանգության պետական ծառայությունը պարզել է, որ իրացման կետերում առկա՝ NUTRICIA Nutrilon ProNutra+ ապրանքանիշի մանկական սննդամթերքը թեև տարայի վրա ունի հայերեն մակնշում, սակայն որոշ տեղեկություններ ամբողջական են ռուսերեն տարբերակում և հայերեն ներդիրի մեջ:
ԱԺ ՀՀԿ խմբակցության անդամ Գեւորգ Կոստանյանը հիշում է, որ ինքը ժամանակին հայտարարել էր, որ եթե ՊՊԾ գունդը գրաված «Սասնա ծռերը» վայր դնեն զենքը, ապա նրանք քրեական պատասխանատվության չեն ենթարկվի: «Ա1+»-ի փոխանցմամբ՝ այսօր նա պնդում է, որ ժամանակին իրեն սխալ են մեջբերել. «Հանցագործություն կատարած անձինք, եթե իրենց արարքներում այլ հանցակազմ չի պարունակում, ապա այդ շենքեր շինություններ ազատելու, կամ պատանդներ ազատ արձակելու դեպքում քրեական պատասխանատվության չեն ենթարկվում»:
«Փոխադրումներ իրականացնող տրանսպորտային միջոցները պայմանավորվող կողմի տարածքում, առանց սպասելու բեռնաթափմանը, կանջատեն կցորդը կամ կիսակցորդը և կցելով այլ կցորդ կամ կիսակցորդ կշարունակեն փոխադրումը»,- ասաց Մարտիրոսյանը:
«Այդ մարմնից փորձում ենք պարզել նրանց ինքնությունը և կապ հաստատել նրանց հետ։ Այժմ գրավոր հարցում ենք ուղարկել Նորվեգիայի պատկան մարմիններին և սպասում ենք նրանց պատասխանին` պարզելու համար, թե կարո՞ղ են, արդյոք հաստատել, որ ՀՀ քաղաքացիներ են եղել սահմանը հատողները, ինչպես նաև թե ինչ փաստաթղթերի վրա հիմնվելով են սահմանել նրանց` ՀՀ քաղաքացի լինելը»,-նշեց Բալայանը:
«Այսօր շատ կարևոր օր է մեզ բոլորիս համար։ Այս վկայականնները, որոնք մենք ստացանք, գնահատական են մեր կատարած աշխատանքի, համագործակցության, ընկերության, այն ջանքերի, որոնք ընկերությունը դնում է մշակույթի ձևավորման և արժեքների պահպանման համար։ Այն պարտավորությունը, որ ստանձնել է «Լիդիան Արմենիա» ընկերությունը, ամենակարևոր արժեքներին հետևելն է, որովհետև արժեքները պետք է տարբերել առաջնահերթություններից։ Դրանք կարող են փոխվել, բայց արժեքներն անփոփոխ են, իսկ դա մեր գործընկերների, մեր համայնքների անվտանգ ապրելաոճն ու գործելաոճն է։ Համագործակցելով ԱԻՆ-ի հետ՝ մենք քայլ առ քայլ հասնում ենք դրան»,- իր խոսքում նշեց Արմեն Ստեփանյանը։
Հունիսի 24-28-ը սպասվում է առանց տեղումների եղանակ։
Հունիսի 23-ին, ժամը 09:45-ին տեղեկություն է ստացվել, որ Երևան քաղաքի Օհանովի փողոցի թիվ 72 շենքի բնակիչներից մեկը սպառնում է իրեն ցած նետել պատշգամբից:
Պաշտպան Ինեսսա Պետրոսյանն էլ ասաց, որ դատարանը պետք է հաշվի առնի Վահան Շիրխանյանի առողջական վիճակը. փորձաքննության եզրակացության մեջ արտացոլված են բոլոր հիվանդությունները, որոնք թույլ չեն տալիս, որ նա կանգնի։ «Նա չի հայտարարել, որ չի հարգում դատարանին։ Պարոն Շիրխանյանն ընդամենն առողջական խնդիրներ ունի։ Հարգելի դատարան, դուք պետք է թույլատրեիք վերջինիս, որ նա նստած պատասխաներ դատարանին»,- ասաց Ինեսսա Պետրոսյանը՝ նշելով, որ դատարանն անընդհատ փորձում է սանկցիաներ կիրառել մի անձի նկատմամբ, ով չի կարող կանգնել։
Ըստ ոստիկանության օպերատիվ հաղորդագրությունների ամփոփագրերի` հունիսի 22-ից 23-ը հանրապետությունում արձանագրված մարմնական վնասվածք հասցնելու 13 դեպքից բացահայտվել է 11-ը
Հունիսի 23-ին, ժամը 10:47-ին տեղեկություն է ստացվել, Սյունիքի մարզի Կապան քաղաքի Բարաբաթում թաղամասի տներից մեկի դիմաց հողը սահել է. անհրաժեշտ է օգնություն:
Երեխան մարմնական վնասվածքներով տեղափոխվել է հիվանդանոց:
Երեւանի Բաղրամյան պողոտայում 2015 թվականի հունիսի 23-ին էլեկտրաէներգիայի թանկացման դեմ բողոքի ցույցը ցրելիս ոստիկանները աննախադեպ դաժանություն ցուցաբերեցին նաեւ ԶԼՄ-ների ներկայացուցիչների նկատմամբ։ Ֆիզիկական բռնության ենթարկվեցին տարբեր լրատվամիջոցների 13 լրագրողներ ու օպերատորներ, եւս 11-ի մասնագիտական աշխատանքն ապօրինաբար խոչընդոտվեց ֆոտո եւ տեսախցիկները միտումնավոր ջարդելու կամ վնասելու, դրանց հիշողության սարքերն առգրավելու, նկարահանված կադրերը ոչնչացնելու եւ այլ միջոցներով։
«Երկիր Ծիրանի» կուսակցության ավագանու թեկնածուները միացել են Մնացական Պարակշիևին և Հայկ Պետրոսյանին անվստահություն հայտնելու վերաբերյալ «Երկիր Ծիրանի» կուսակցության ընդլայնված նիստի 17.06.2017 թվականի Որոշմանը (տես` 18.06.2017 թվականի «Երկիր Ծիրանի» կուսակցության ավագանու թեկնածուների կողմից վավերացումը):
ՀՀ ԱԻՆ հիդրոմետծառայության օդերևութաբանության կենտրոնի պետ Գագիկ Սուրենյանը ֆեյսբուքյան իր էջում գրում է. «Այսօր էլ զովացեք, մի 2-3 օրից կխոսենք»:
Մինչ այդ դատավորը նախազգուշացրեց Վահան Շիրխանյանին, ով ոտքի չկանգնեց, երբ դատավոր Արմեն Բեկթաշյանը ներս մտավ նիստերի դահլիճ: Դատավորը վկայակոչելով համապատասխան նորմը՝ նշեց, որ արդեն երկրորդ դատական նիստն է՝ Վահան Շիրխանյանն անհարգալից վերաբերմունք է դրսևորում դատարանի նկատմամբ:
Հունիսի 23-ին, ժամը 09:28-ին տեղեկություն է ստացվել, որ Արարատի մարզի Շահումյան գյուղի կամրջից դեպի Խոր Վիրապ գյուղ տանող ավտոճանապարհին տեղի է ունեցել ՃՏՊ, առկա է գազի արտահոսք. անհրաժեշտ է փրկարարների օգնությունը:
«Ո՛չ»,- կտրուկ ընդհատեց Կարապետյանը` նշելով, որ կոմիտեների և նախանիստերի ընթացքում Մինասյանը ժամանակ է ունեցել քննարկելու: Նրա խոսքով` այդ 1-2 օր խնդրելու պրակտիկան պետք է դադարեցնել և միայն խիստ անհրաժեշտ դեպքերում կիրառել:
ԱԺ արտահերթ նիստի օրակարգում կլինի 1 հարց` «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» ՀՀ օրենքում լրացումներ կատարելու մասին» նախագիծը:
Այսօր կառավարության նիստի սկզբում նախքան օրակարգին անցնելը վարչապետ Կարեն Կարապետյանն անդրադարձավ անցած գիշեր Արթիկում վթարված բնակելի շենքի խնդրին: Նա տարածքային կառավարման և զարգացման նախարար Դավիթ Լոքյանից հետաքրքրվեց, թե ի՞նչ իրավիճակ է:
ՀՀ ԱԻ նախարար Դավիթ Տոնոյանի հրամանով նախարարության համակարգում կատարվել են մի շարք նոր նշանակումներ` ՀՀ ԱԻՆ ՓԾ աղետների բժշկության կենտրոնում, Քաղաքացիական պաշտպանության և Երևանի փրկարարական վարչություններում, ՀԱԷԿ-ի պահպանության հատուկ հրշեջ ջոկատում, ինչպես նաև Արագածոտնի, Արարատի, Գեղարքունիքի, Կոտայքի, Շիրակի, Վայոց ձորի, Տավուշի ու Լոռու մարզի հրշեջ-փրկարարական ջոկատներում:
Մեհդի Ն.-ն հունիսի 19-ից Ինտերպոլի կողմից գտնվում էր հետախուզման մեջ:
