Տարածաշրջան

Իրանն սկսել է տիեզերական պատիճախցիկներ մշակել տիեզերագնացների համար:

Թուրքական «Hürriyet» իշխանամետ թերթում հրապարակվել է Պոլսի հայոց պատրիարք Սահակ արքեպիսկոպոս Մաշալյանի հետ անցկացված ծավալուն հարցազրույցի մի հատվածը:

Ստամբուլի Սաբիհա Գյոքչեն օդանավակայանում ինքնաթիռը դուրս է եկել թռիչքուղու սահմաններից, ինչի հետո հրդեհ է բռնկվել:

Ձնահյուսի հետեւանքով առնվազն 23 մարդ է զոհվել Թուրքիայի Վանի նահանգում: Այդ մասին փետրվարի 5-ին NTV հեռուստաալիքի եթերում հայտարարել է Վանի նահանգապետ Մեհմեթ Էմին Բիլմեզը։

Թուրքիայի արեւելքի Վանի նահանգում առնվազն ութ մարդ է զոհվել ձնահյուսի հետեւանքով, ընթանում են փրկարարական աշխատանքներ:

ԱՄՆ-ի իշխանությունները որոշում են ընդունել անորոշ ժամանակով դադարեցնել ամերիկյան անօդաչուներով այն տարածքների վրա հետախուզական թռիչքների՝ Թուրքիայի հետ համատեղ գաղտնի ծրագիրը, որտեղ գտնվում են սիրիացի քրդերի զինված կազմավորումները:

Իրանի հոգեւոր առաջնորդ ու ղեկավար Ալի Խամենեին այն կարծիքին է, որ Իսրայելի եւ Պաղեստինի միջեւ հարաբերությունների խաղաղ կարգավորման՝ Վաշինգտոնի առաջարկած պլանը՝ այսպես կոչված դարի գործարքը, ավելի շուտ կմեռնի, քան ԱՄՆ-ի նախագահ Դոնալդ Թրամփը:

«Արցախը փոփոխությունների նախաշեմին։ Արտաքին և ներքին անվտանգություն». Քննարկում:

Արցախի Հանրապետության իշխանությունների հետ ձեռք բերված պայմանավորվածության համաձայն ԵԱՀԿ առաքելությունը փետրվարի 6-ին հրադադարի ռեժիմի պլանային դիտարկում է անցկացնելու Արցախի և Ադրբեջանի զինված ուժերի շփման գծում՝ Մարտակերտի շրջանի Թալիշ գյուղից դեպի արևելք ընկած հատվածում։ 

Թուրք հայտնի լրագրող Ջունեյթ Օզդեմիրը, հպարտանալով Twitter-ում 6.8 մլն հետևորդ ունենալու փաստով, հայտարարել է, որ ինքը Թուրքիայի Քիմ Քարդաշյանն է: Այդ մասին, ըստ ermenihaber.am-ի՝ լրագրողն ասել է մասնագիտական դասախոսություն կարդալու նպատակով Թուրքիայի համալսարաններից մեկի ուսանողների հետ հանդիպման ժամանակ:

«Նկատելի է, որ տարածված բազմակողմ տեքստը լավ մշակված է և կողմերի համար բավականին անվտանգ, այսինքն՝ կա և տպավորություն, որ քննարկվում են կարևոր հարցեր, որն Ադրբեջանի դիվանագիտական շահերի տիրույթում է, և խոսք է գնում ապագա կարգավորման սկզբունքների ու տարրերի մասին, մարդասիրական օրակարգի մասին, որը Հայաստանի շահերի տիրույթում է, այսինքն՝ երկար բանակցության և խոսակցության արդյունքում հաջողվել է համաձայնության գալ մի տեքստի շուրջ, որը չի վտանգի ներգրավված կողմերին՝ հակասությունների պատճառ դառնալով նրանց հրապարակային հայտարարությունների և քայլերի միջև»,- ասաց Հալբախը:

Ղրիմից Պետդումայի պատգամավոր Ռուսլան Բալբեկը, մեկնաբանելով Թուրքիայի նախագահ Թայիփ Էրդողանի այն հայտարարությունը, թե Անկարան չի ճանաչում ՌԴ-ին Ղրիմի վերամիավորումը, նշել է, որ Թուրքիայի ղեկավարը պետք է հանի «խիստ մթնեցված ոսպնյակներով վաշինգտոնյան ակնոցը», ինչից հետո թերակղզում տեղի ունեցող իրադարձություններն ավելի իրատեսորեն կընկալվեն։

ԱՄՆ-ի Կենտրոնական հետախուզական վարչության (ԿՀՎ) ենթադրյալ գործակալն Իրանում մահապատժի է դատապարտվել իրանական միջուկային ծրագրի բնագավառում լրտեսության համար:

Վրաստանի ընդդիմադիր կուսակցությունների ներկայացուցիչները երկրի արեւմուտքի Բաղդատի բնակավայրում հրդեհից վեց մարդու զոհվելու կապակցությամբ հրաժարվել են փետրվարի 4-ին Թբիլիսիում խորհրդարանի շենքի առջեւ բողոքի ակցիաներ անցկացնելուց։

Չորս մանկահասակ երեխա եւ երկու կին հրդեհի զոհ են դարձել Քութայիսի (Իմերեթի տարածաշրջան) մերձակա Բաղդատի գյուղում:

Իսլամական հեղափոխության պահապանների կորպուսի (Իրանի զինված ուժերի էլիտային զորամասեր) «Ալ Ղուդս» հատուկ նշանակության իրանական ուժերի առավել հեղինակավոր հրամանատարներից մեկն սպանվել է Սիրիայի Հալեպի նահանգում:

Իրանի Քաղաքացիական ավիացիայի կազմակերպության աղետների հետաքննության հարցերի տնօրեն Հասան Ռըզայիֆարը հայտարարել է, որ Թեհրանն այլեւս Ուկրաինային նյութեր չի փոխանցի «Ուկրաինայի միջազգային ավիաուղիների» ինքնաթիռի ավիաաղետի գործի վերաբերյալ՝ իրանական ինքնաթիռի օդաչուի հետ կարգավարի զրույցների ձայնագրության հրապարակման պատճառով:

Կապան քաղաքում հրավիրած մամուլի ասուլիսում վարչապետ Նիկոլ Փաշինյանն անդրադարձավ Սերժ Սարգսյանի՝ ԼՂ հարցի հետ կապված ժառանգությանը՝ մեջբերելով 1in.am-ում հրապարակված հոդվածը, որտեղ խոսվում է յոթ շրջանների՝ Աղդամի, Ֆիզուլիի, Ջեբրայիլի, Զանգելանի, Ղուբաթլիի, Քելբաջարի և Լաչինի վերադարձից Ադրբեջանին՝ պայմանով, որ պահպանվում է Լեռնային Ղարաբաղը Հայաստանին կապող միջանցքը։ 

Իրանն անհրաժեշտ է համարում ուկրաինական ինքնաթիռի զոհերի ընտանիքներին փոխհատուցումների հարցի հետագա քննարկումը, որը հունվարի սկզբին խոցվել Է Թեհրանի մերձակայքում:

ՀՀ-ի և Ադրբեջանի ԱԳ նախարարների ժնևյան երկօրյա հանդիպումից և դրան հաջորդած պաշտոնական հայտարարություններից հետո կարող ենք արձանագրել՝ փաստացի ունենք բանակցային փուլ, որը ծավալվելու է ինչ-որ փաստաթղթի շուրջ: Լրագրողների հետ հանդիպման ժամանակ նման տեսակետ հայտնեց ադրբեջանագետ Անժելա Էլիբեգովան:

Թուրքիայի նախագահ Թայիփ Էրդողանը վերստին հայտարարել է, որ Անկարան չի ճանաչում Ռուսաստանի հետ Ղրիմի վերամիավորումը եւ կշարունակի հետեւել Ղրիմի թաթարների վիճակին, տեղեկացնում է ՌԻԱ Նովոստիին:

 Թուրքիան Սիրիայում պատասխան հարվածներ է հասցրել Իդլիբում թուրք զինվորականների դիրքերի գնդակոծումից հետո:

Առնվազն չորս թուրք զինծառայողէ զոհվել, եւս ինը՝ վերքեր ստացել Սիրիայի Իդլիբի նահանգում նրանց դիրքերի գնդակոծման հետեւանքով:

Դոկտոր Խաչիկ Մուրադյանը Facebook-ում կատարած գրառմամբ տեղեկացրել է, որ անցյալ շաբաթ Թուրքիայի Էլազըղ (Խարբերդ) քաղաքում տեղի ունեցած ուժգին երկրաշարժի հետևանքով քանդվել է Դիարվեքիրի (Տիգրանակերտ) հայկական Սուրբ Սարգիս կիսավեր եկեղեցու կամարների մի մասը: Այս մասին տեղեկացնում ermenihaber.am-ը:

Ադրբեջանի հարցերով փորձագետ Արմինե Ադիբեկյանը 168 TV-ի «Ռեվյու» հաղորդման ժամանակ ասաց, որ բանակցային սեղանին այս պահին որևէ փաստաթուղթ չկա. «Այս պահին քննարկվում են քայլեր, որոնք հետագայում կբերեն այդ փաստաթղթի ձևավորմանը: Այսինքն՝ իրենք այդ ապագա պոտենցիալ փաստաթղթի դրույթներն են քննարկում»:

«Այսօր ես ձեզ կպատմեմ ինչպես ա Ադրբեջանի նախագահ Իլհամ Ալիևը ողջունել 2018-ի իշխանափոխությունը և ինչ անթաքույց հույսեր տածում նոր իշխանությունների հետ կապված։ մենակ 2018-ի սփիչերի մեջբերումներն են, ավել ալարեցի հավաքեմ բայց պատկերը կարծում եմ պարզ ա։

«Բրատիսլավիայի ԱԳ նախարարների հանդիպումից հետո Էլմար Մամեդյարովը հարցազրույց տվեց, որտեղ կային կետեր, որոնք, ամենայն հավանականությամբ, քննարկվել են բանակցությունների ընթացքում, բայց դրանք դեռևս աշխատանքային կետեր են: Այսինքն՝ չկա որևէ համաձայնություն դրանց շուրջ, և երբ դրանք բացում ես և ներկայացնում սեփական մեկնաբանությամբ՝ նպատակ ունենալով ազդել սեփական և հակառակորդ կողմի հասարակությունների վրա, դու, ըստ էության, վնասում ես բանակցային գործընթացին:

«Ակնկալել, որ Արցախյան հիմնահարցին շուտափույթ կարգավորում է լինելու՝ շատ վաղաժամ է»,- 168TV-ի «Ռեվյու» հաղորդման եթերում այս մասին ասաց Արցախի նախագահի աշխատակազմի ղեկավարի տեղակալ, Արցախի Պահպանողական կուսակցության հիմնադիր ղեկավար Դավիթ Բաբայանը՝ անդրադառնալով Ժնևում օրերս կայացած Մնացականյան-Մամեդյարով երկօրյա հանդիպմանը:

Փետրվարի 1-ին, տեղական ժամանակով ժամը 07:58-ին (Գրինվիչի ժամանակով ժամը` 03:58-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.060 և արևելյան երկայնության 45.400 աշխարհագրական կոորդինատներով Ադրբեջան՝ Ղազախ քաղաքից 5 կմ հարավ-արևելք, օջախի 10 կմ խորությամբ, 2.5 մագնիտուդով երկրաշարժ:

«Այս բանակցություններում գաղտնիություն պահպանելն ի սկզբանե սխալ է»,-  լրագրողների հետ զրույցում ասաց Ադրբեջանահայերի ասամբլեայի նախագահ Գրիգորի Այվազյանը՝ անդրադառնալով ԵԱՀԿ Մինսկի խմբի համանախագահների, Հայաստանի և Ադրբեջանի ԱԳ նախարարների եռօրյա հանդիպումից հետո արած հայտարարությանը, թե ձեռք են բերել պայմանավորվածություն՝ պահպանել խնդրի  կարգավորման գործընթացի կոնֆիդենցիալության սկզբունքը: