Աշխարհ

Ռուսաստանի եւ Չինաստանի միջեւ ապրանքաշրջանառությունը 2021 թվականի առաջին երեք եռամսյակների արդյունքներով 29,8 տոկոսով աճել է նախորդ տարվա համապատասխան ժամանակաշրջանի համեմատությամբ եւ կազմել 102,529 միլիարդ դոլար:

Նշվում է, որ նոր կանոնները, որոնք նման են միջազգային ավիաուղեւորների համար հայտարարված կանոններին, կներդրվեն փուլ առ փուլ:

«Հայացք» վերլուծական կենտրոնի տնօրեն Աննա Կարապետյանի համար ակնհայտ է, որ Ադրբեջանի կողմից ԵԱՀԿ ՄԽ համանախագահների հետևողական աշխատանք է տարվում՝ հասնելու որոշակի ձևակերպումային փոփոխությունների:

Ամերիկյան Blue Origin ընկերության New Shepard տիեզերանավը հոկտեմբերի 13-ին հաջողությամբ իրականացրել է օդաչուով կառավարվող երկրորդ ենթաուղեծրային թռիչքը: Թռիչքն ուղիղ եթերով հեռարձակվել է ամերիկացի միլիարդատեր Ջեֆ Բեզոսին պատկանող Blue Origin ընկերության կայքում:

Մեքսիկայի նախագահ Անդրես Մանուել Լոպես Օբրադորը ողջունել է Միացյալ Նահանգների որոշումը՝ նոյեմբերին բացելու համատեղ սահմանը, որն ավելի քան 18 ամիս համավարակով պայմանավորված փակ էր, ինչը միլիարդավոր դոլարների վնաս է հասցրել: Այս մասին հայտնում է Reuters-ը:

Գաղթականների գործերով ՄԱԿ-ի գերագույն կոմիսարի վարչությունը (ԳԳԿՎ) մարդասիրական օգնության երեք ինքնաթիռ կուղարկի Աֆղանստան Ուզբեկստանի տարածքով: Այդ մասին գերատեսչությունը հայտնել է հոկտեմբերի 13-ին իր կայքում։

 Եվրասիական տնտեսական միության (ԵԱՏՄ) պետությունների ղեկավարները Բարձրագույն Եվրասիական տնտեսական խորհրդի (ԲԵԱՏԽ) նիստում հոկտեմբերի 14-ին ծրագրում են ընդունել հայտարարություն ԵԱՏՄ-ի կլիմայական պլանի մասին:

Հյուսիսային Կիպրոսի Թուրքական Հանրապետության վարչապետ Էրսան Սաները չորեքշաբթի օրը նախագահ Էրսին Թաթարին տեղեկացրել է կոալիցիոն կառավարության հրաժարականի մասին:

Ուկրաինայի արտաքին գործերի նախարարությունում առաջարկում են առաջիկայում Ուկրաինայի, Վրաստանի, Մոլդովայի Ասոցացված եռյակի հանդիպում անցկացնել Եվրամիության հետ՝ քննարկելու համար առեւտրի հետագա ազատականացումը՝ Եվրամիության Կանաչ ուղեգծի եւ թվային անցման համատեքստում: Այդ մասին հայտարարել է Ուկրաինայի ԱԳ նախարար Դմիտրի Կուլեբան՝ հանդես գալով առցանց-ճեպազրույցի ժամանակ, հաղորդել է «Ուկրինֆորմ»-ի թղթակիցը։

Երեկ հայտնի դարձավ, որ ՌԴ Պետական դուման ընտրություններից հետո իր առաջին լիագումար նիստում ԱՊՀ, Եվրասիական ինտեգրման ու հայրենակիցների հետ կապերի հարցերով կոմիտեի նախագահի պաշտոնում կրկին ընտրել է Լեոնիդ Կալաշնիկովին: Վերջինս հայտնի է իր պրոադրբեջանական, այդ թվում՝ նաև սկանդալային հայտարարություններով: Օրինակ, վերջերս տված հարցազրույցներից մեկում նա խորհուրդ էր տալիս հայերին չկչկչալ, ծուղրուղու չկանչել (Пусть армяне не кукарекуют.- Գ.Ս.):

Թուրքիայի արտաքին գործերի նախարար Մևլութ Չավուշօղլուն Նիկարագուայի գործընկերոջ հետ հանդիպումից հետո անցկացված մամուլի ասուլիսի ընթացքում անդրադարձել է Սիրիայի խնդրին: Այս մասին տեղեկացնում է ermenihaber.am-ը։

Չճանաչված Կոսովոյի ոստիկանությունը երկրամասի հյուսիսի Զվեչան քաղաքում կրակ է բացել բողոքավորների վրա, մեկ մարդ վիրավորվել է:

Այն սպառնալիքները, որոնք ծառանում են ԱՊՀ-ի երկրների հանդեպ, մշտապես կերպարանափոխվում են:

Գերմանիայի կանցլեր Անգելա Մերկելը Երուսաղեմ կատարած այցի ընթացքում պատասխանել է լրագրողի՝ Թուրքիայի վերաբերյալ հարցին։ Մերկելը նշել է, որ Թուրքիան անօրինական միգրացիայի դեմ պայքարում Եվրոպական միության (ԵՄ) համար կենտրոնական դեր է խաղում։ 

ԱՄՆ-ն Իսրայելին կօգնի «ամրապնդել ու ընդլայնել» խաղաղ հարաբերություններն արաբական եւ մուսուլմանական երկրների հետ:

Ազգային անվտանգության գծով ԱՄՆ-ի նախագահի օգնական Ջեյք Սալիվանը Հարավային Կորեայի նախագահին առընթեր ազգային անվտանգության վարչության տնօրեն Սո Հունի հետ քննարկել է թերակղզու միջուկազերծումը՝ ԿԺԴՀ-ին կոչ անելով ձեռնպահ մնալ տարածաշրջանում իրադրության էսկալացումից:

Ռուսաստանը եւ ԵՄ-ն հերթական հանդիպումն են անցկացրել կորոնավիրուսի դեմ պատվաստման հավաստագրերի փոխադարձ ճանաչման հարցի շուրջ: Այդ մասին հաղորդել է ՌԴ առողջապահության նախարարության մամուլի ծառայությունը:

ԱՄՆ-ի Կոնգրեսի՝ դեմոկրատների կոմից վերահսկվող Ներկայացուցիչների պալատը հոկտեմբերի 12-ին հավանություն է տվել 480 միլիարդ դոլարով պետական պարտքի բարձարկետի բարձրացմանը, ինչը, Միացյալ Նահանգների ֆինանսների նախարարության գնահատումներով՝ թույլ կտա մինչեւ դեկտեմբերի 3-ը ծածկել ծախսերը:

Ֆիլիպինների տասներեք բնակիչ է զոհվել, ինը համարվում է անհայտ կորած Kompasu («Կոմպասու») արեւադարձային փոթորկի պատճառով, որը մոլեգնում է կղզեխմբի հյուսիսում։

COVID-19 կորոնավիրուսով վարակման գրանցված դեպքերի թիվն աշխարհում հոկտեմբերի 12-ի առավոտվա դրությամբ կազմել է 238 միլիոն 273 հազար 817: Այդ մասին վկայում են Ջոնս Հոփքինսի ամերիկյան համալսարանի տվյալները:

Եվրոպայում գազի գինը Լոնդոնի ICE սակարանում հոկտեմբերի 12-ին սակարկությունների բացմանն իջել է մինչեւ 970 դոլար 1000 խորանարդ մետրի դիմաց, վկայում են առեւտրական հարթակի տվյալները։

Աղբյուրը նշում է, որ Աֆղանստանում տիրող տնտեսական ճգնաժամի պատճառով տեղի տպագիր թերթերը ֆինանսական դժվարությունների պատճառով ամբողջությամբ անցում են կատարել առցանց լրատվության ռեժիմին կամ ամբողջությամբ փակվել են:

168.am-ի հետ զրույցում ռուս քաղաքական վերլուծաբան Ֆյոդոր Լուկիանովն ասաց, որ Հնդկաստանի հետաքրքրության աճը Հարավային Կովկասի նկատմամբ տրամաբանական է, քանի որ կոնկրետ ուղղությունների և կոնկրետ կետերի վրա Հնդկաստանն արդեն իսկ մեծ երկարաժամկետ տնտեսական ու քաղաքական ներդրումներ է արել, պրոյեկտները քննարկվել, սակայն չեն իրագործվել տասնամյակներ շարունակ: Սակայն, ըստ նրա, պատերազմից հետո տարածաշրջանային ճանապարհների ապաշրջափակման թեման և կոնկրետ խաղացողների միջև պայմանավորվածություններն արագացրել են բոլոր գործընթացները:

Մեզ հետ զրույցում վրացի վերլուծաբան Սոսո Ցինցաձեն ասաց, որ ողջունում է, որ տարածաշրջանում Վրաստանը քաղաքական օրակարգեր է կարողանում գեներացնել, քանի որ Վրաստանի արտաքին քաղաքական ամենաթույլ կետերից մեկը եղել է քաղաքականությունը Հարավային Կովկասում, որն ամենաառանցքային ուղղություններից պետք է լիներ անցնող տասնամյակների ընթացքում:

Աշխատանքն է սկսել Աֆղանստանին նվիրված G20-ի արտակարգ գագաթնաժողովը, որն անցկացվում է տեսախորհրդաժողովի ձեւաչափով: Այդ մասին հաղորդել է կառավարական Կիջի պալատը:

Արեւմտյան ռազմական օկրուգի (ԱՌՕ) ռազմաօդային ուժերի եւ հակաօդային պաշտպանության միավորման «Տրիումֆ» C-400 զենիթահրթիռային համակարգերի հաշվարկները 2021 ուսումնական տարվա ստուգողական պարապմունքների ընթացքում ոչնչացրել են գերձայնային թիրախները: Այդ մասին հաղորդել է ԱՌՕ-ի մամուլի ծառայությունը:

Ասիայում փոխգործակցության եւ վստահության միջոցների խորհրդակցության (ԱՓՎՄԽ) անդամ երկրների վեցերորդ գագաթնաժողովը տեղի կունենա հաջորդ տարի Ղազախստանի մայրաքաղաքում:

Հոկտեմբերի 12-ին 6,3 մագնիտուդով երկրաշարժ է գրանցվել Հունաստանի Կրետե կղզուց դեպի հարավ – արեւելք: Այդ մասին հայտնում է Եվրոպա-միջերկրածովյան սեյսմոլոգիական կենտրոնը։ Օջախն ընկած է եղել 2 կիլոմետր խորության վրա:

Աֆղանստանում իշխանությունը զավթած «Թալիբան» արմատական շարժման կողմից կազմված նախարարների կաբինետը առաջարկել է  ծառայության վերադառնալ բոլոր զինվորականներին եւ այն հիմնարկությունների աշխատակիցներին, որոնք գործել են երկրի նախորդ կառավաության օրոք:

ԱՄՆ-ն 15 միավոր F-15 ռազմական ինքնաթիռ է ուղարկել Հունաստանի Լարիսսա ավիաբազա, որտեղ անցկացվելու են «Castle Forge» անվամբ զորավարժություններ՝ Եվրոպայում և Աֆրիկայում ԱՄՆ օդուժի հրամանատարության գլխավորությամբ: