Շինարարությունը ոլորտ է, որը արտադրանք է տալիս և ունի սպառող, այսինքն՝ պահանջարկ։ Իսկ այդ պահանջարկի ներկայացնողն, առաջին հերթին, անշարժ գույքի կարիք ունեցող բնակիչն է։ Եթե շինարարությունն անկում է ապրում, նշանակում է` դրա արտադրանքի նկատմամբ պահանջարկը թուլանում է։
2003թ. Եվրոպայի խորհրդին Հայաստանի Հանրապետության անդամակցության պահից սկսած, 10 տարվա ընթացքում Մարդու իրավունքների եվրոպական դատարանի (ՄԻԵԴ) վճիռներով ՀՀ պետական բյուջեից վճարվել է ավելի քան 400 հազար եվրո։ Սա նշանակում է, որ ՀՀ դատաիրավական համակարգի՝ Ոստիկանության, Դատախազության մի շարք աշխատակիցների և որոշ դատավորների մեղքով պետական բյուջեն զգալի վնասներ է կրում։
Ի վերջո, «հզոր» ԲՀԿ-ն մեծ առաքելություն կատարեց նախագահական ընտրություններում, բայց դրանից հետո կորցրեց ամենակարող այլընտրանքի ընկալումը: Հիմա վերականգնվում է հենց այդ ընկալումը, քանի որ առանց դրա ԲՀԿ-ի ֆունկցիան իշխանական համակարգի պահպանման գործընթացում արդյունավետ չի կարող լինել:
Հայաստանում ընդունված չէ, որ գործարարները և խոշոր ընկերությունների տնօրենները դառնան ընդդիմադիր կուսակցությունների անդամներ, առավել ևս` ընդգրկվեն դրանց ղեկավար մարմիններում: Իսկ որ «Արմենիա» բժշկական կենտրոնը լուրջ բիզնես է, կարծում ենք, որևէ մեկի մոտ կասկած չի հարուցում:
Նախագահական ընտրություններին ԲՀԿ-ի բուրժուաներն աշխատել են հօգուտ Սերժ Սարգսյանի, իսկ Առինջ գյուղում Սերժ Սարգսյանը ստացել է 99,9 տոկոս ձայն: Կորցնելով Հայաստանը ղեկավարելու հնարավորությունը` ընդդիմությունն ակնկալում է ստանալ Երևանը: Վիճելի դրույթ է: Սակայն պապիկների հետ վիճելը վատ տոն է:
Այսօր ով էլ լինի Վեհափառը, պետք է լինել Վեհափառի կողքին` հաշվի առնելով, որ եկեղեցին և կառավարությունը միշտ եղել են կողք կողքի: Նույնն էլ վեհափառները, ովքեր 6 ընտրությունների ժամանակ էլ եղել են նախագահի կողքին. ներկայիս ընդդիմադիրն էլ անցյալում նախագահ էր, և եկեղեցին միշտ եղել է ընտրվողի կողքին:
Մոտ 30 րոպե առաջ 168.am-ի հետ զրույցում Ներսես Նազարյանը բառացիորեն ասել էր. «Ես շարունակում եմ աշխատել իմ պաշտոնում, և այժմ էլ գտնվում եմ իմ աշխատավայրում»: Ստացվում է, որ Նազարյանին պաշտոնանկ են արել նրան նախապես այդ մասին տեղյակ չպահելով, և մամուլն ավելի շուտ է տեղեկացել Ոստիկանապետի հրամանի մասին, քան Նազարյանն՝ ինքը:
Տեր-Պետրոսյանն ինձ 2007 թվին խոստացել էր բուրժուա-դեմոկրատական հեղափոխությունն իրականացնել 2008-ի փետրվարին, որովհետև մարդկության պատմությունը ցույց է տալիս, որ բուրժուա-դեմոկրատական հեղափոխությունները լավ են ստացվում փետրվար ամսին
«Եթե ինչ-որ բան անելու լինեին, այս հինգ տարիների ընթացքում կանեին: Այո, ճիշտ է, հիմա լրատվությունն անհամեմատ ազատ է, բայց կարելի է մտածել, որ սա Արևմուտքի աչքին թոզ փչելու ձև է»:
Պարզ է մի բան. Րաֆֆի Հովհաննիսյանի աշխարհաքաղաքական վա-բանկի պտուղները կտեսնենք Երևանի քաղաքապետի ընտրություններին: Չեմ կարծում, որ դրանք ավելի քաղցր են լինելու, քան Գագիկ Ծառուկյանի բրյուսելյան այցի պտուղները…
Լավ, մի պահ ենթադրենք, որ հաջողվում է ԲՀԿ-ին պոկել իշխանությունից, համատեղ պայքարել և հասնել իշխանափոխության։ Այդ դեպքում ՀԱԿ-ն ու ԲՀԿ-ն (ասել է թե` մի քանի խոշոր փողատերեր՝ Ծառուկյանի գլխավորությամբ) իշխանությո՞ւն են դառնում։ Այսինքն՝ կրկին ունենում ենք իշխանության և բիզնեսի հիբրի՞դ։ Ի՞նչ պետք է անի այդ ժամանակ ՀԱԿԿ-ն։ Փորձի ազատվե՞լ ԲՀԿ-ից, թե՞ ԲՀԿ-ին փորձի ստիպել հրաժարվել հարստությունից…
Որևէ հիմնավորում չի կարող արդարացնել ժողովրդավարության հիմնարար ինստիտուտներից մեկի՝ ներկուսակցական ժողովրդավարության այդպիսի բացահայտ և կոպիտ ոտնահարումը:
«Կներեք՝ շատ մոդայիկ հարց կա, որը շրջանառության մեջ է դրել մեր հարգարժան Սերժ Սարգսյանը՝ միանայի՝ ի՞նչ անեի, միանայի, որ գնայի Վովա Գասպարյանի հետ աղոթեի՞: Կներեք՝ Վովայի հետ աղոթելը իմ մանկության երազանքը չի եղել»:
Սերժ Սարգսյանի երդմնակալության այս արարողությունը շահեկանորեն տարբերվում էր նախորդից: Կար կարևոր ձեռքբերում` ընտրություններից հետո զոհեր չեղան: Պետք է արժանին մատուցել օպերատորներին. 2008-ի ուղիղ եթերի նախադեպն իրեն ամենևին չարդարացրեց:
Պատահական չէ, որ ԲՀԿ որոշ տարածքային կառույցների ղեկավարներ խնդրել են, որ ԲՀԿ քարոզիչներն իրենց պատասխանատվության տակ գտնվող տարածքներ չայցելեն, և նախընտրական քարոզչություն չիրականացնեն, քանի որ նման հակադիր քարոզչությունը կարող է ճիշտ հակառակ արդյունքը տալ:
Այսօր ՀԱԿ կուսկացությունում վերջ կդրվի երկիշխանությանը: Մինչ այսօր ՀԱԿ կուսակցության նախագահը Արամ Մանուկյանն էր, առաջնորդը՝ Լևոնը: Թե Լևոններից որ մեկը՝ պարզ կդառնա այսօր:
Չորսոտանի կենդանիներից առնվազն երկուսը Րաֆֆի Հովհաննիսյանի ծննդավայր ԱՄՆ-ում շատ որոշակի խորհրդանիշեր են. Էշը ԱՄՆ Դեմոկրատական կուսակցության խորհրդանիշն է, փիղը՝ Հանրապետական:
Արմենուհի Հովհաննիսյանը նաև հայտարարեց, թե ապրիլի 9-ին տեղի ունեցած միջադեպին, ինքը կորցրեց իր սիրած կոշիկները ու ստիպված եղավ բոբիկ քայլել փողոցնրով. «Այդ ժամանակ մտածում է, թե որքան խորհրդանշական է, որ բոբիկ ոտքերով պետք է բարձրանայի Ծիծեռնակաբերդ»:
Ես գնացել եմ նրանից հետո, երբ ապրիլի 9-ին տեղի ունեցավ հայտնի անհիմն ու կեղծ երդումը, որը արձանագրեց այն փաստը, որ այս իշխանությունը դե-յուրե չէ, գողացավ ժողովրդից իր իրավունքը ու այս պայմաններում, հանգրվանն անցած, այցելեցի Մոսկվա ու չի բացառվում, որ այցելեմ նաև այլ մայրաքաղաքներ:
Քիչ առաջ Մոսկվա-Երևան չվերթով Երևան ժամանեց «Ժառանգության» առաջնորդ Րաֆֆի Հովհաննիսյանը: 168.am-ի հետ զրույցում Րաֆֆի Հովհաննիսյանն ասաց, թե այնտեղ հանդիպել է ՌԴ «համապատասխան շրջանակների հետ» և շնորհակալ է այդ հանդիպումների համար: Նա նաև հայտարարեց, թե իր այցը Մոսկվա՝ կապված չէր Հայաստանի հետընտրական զարգացումների հետ:
«Ես որևէ բանից տեղյակ չեմ, որևէ բան չեմ կազմակերպել: Մի քանի օր առաջ Երևանում էի՝ մասնակցել եմ ՀՀ նախագահ Սերժ Սարգսյանի երդմնակալությանը, որը շատ լավ անցավ: Հիմա գտնվում եմ Փարիզում»:
«Պարզապես վախեցել էր: Երբ Արմեն Մարտիրոսյանին ծեծեցին, նա վախեցավ և որոշեց հնարավորինս արագ թողնել մարտի դաշտը»:
168.am-ի մոսկովյան աղբյուրները փոխանցում են, թե ում հետ է հանդիպել այսօր Մոսկվա մեկնած «Ժառանգություն» կուսակցության առաջնորդ Րաֆֆի Հովհաննիսյանը: Ըստ այդմ, Ր. Հովհաննիսյանը հանդիպել է ՌԴ նախագահի աշխատակազմի Միջտարածաշրջանային և արտասահմանյան երկրների հետ մշակութային կապերի վարչության ղեկավար Վլադիմիր Չեռնովի հետ:
Րաֆֆի Հովհաննիսյանի՝ ԱՄՆ նախկին քաղաքացի լինելը, ընդհանրապես նրա «ամերիկյան բրենդը» շատերի մոտ տպավորություն է թողնում, թե նա միարժեքորեն մերժելի գործիչ է ռուսական իշխանության համար: Սակայն դա մակերեսային, շատ մակերեսային ընկալում է…
Րաֆֆին այսօր մեկնեց ոչ թե Մոսկվա, այլ գնաց, հավասարվեց հազար տարվա մե…, ներողություն, մեծապետականության առաջ խոնարհվող «հայ քաղաքական այրերին»:
«Ես չգիտեմ` Պուտինի,՞ թե՞ Մեդվեդևի հետ կլինի հանդիպում, ես չեմ կարող որևէ ստույգ տեղեկատվություն տալ, թե ում հետ պետք է հանդիպի: Միայն գիտեմ, որ մասնավոր այցով մեկնել է Մոսկվա, վաղը ցերեկը` ժամը 16:00-ին կվերադառնա»:
Ես քանիցս անդրադարձել եմ և նորից կրկնեմ` որոշ լրատվամիջոցներում ազդարարված վիկտորինան` «ի՞նչ է աշխատելու Արմեն Աշոտյանը», դեռևս բաց է և հաղթող չունի»:
Ընդհանրապես կա ներերևանյան շովինիզմ, որը դրսևորվում է հետևյալ կերպ. բնիկ երևանցիները բարձր որակի, բարձր ռասայի ներկայացուցիչներ են: Այս ռասային են պատկանում նրանք, ովքեր ծնվել են Երևանում, ցանկալի է, որ Երևանում ծնված լինեն նաև ծնողները, իսկ եթե Երևանում է ծնվել նաև պապը, նա արդեն մաքրագույն երևանցի է:
Երեկ` ապրիլի 9-ին հաջորդած առաջին օրը Հայաստանում մի տեսակ դատարկություն էր: Այնպիսի տպավորություն էր, որ կյանքը, գոնե քաղաքական կյանքը կանգ է առել: Ապրիլի 9-ին տեղի ունեցած իրադարձությունների հիմնական մասնակիցները՝ բացառությամբ «Ժառանգության» մեկ-երկու անդամների, կարծես ընդհատակ էին անցել:
Այսօր ժամը 19:30-ի սահմաններում 168.am-ի թղթակիցը այցելել էր «Ժառանգություն» կուսակցության կենտրոնական գրասենյակ՝ պարզելու, թե ապրիլի 9-ի իրադարձություններից հետո ի՞նչ իրավիճակ է տիրում կուսակցությունում, ի՞նչ քայլեր են պատրաստվում կատարել առաջիկայում ժառանգականները, որտե՞ղ է Րաֆֆի Հովհաննիսյանը…
