ՄԱԿ-ի երեխաների իրավունքների կոմիտեն մայիսի 27-ից Ժնևում մեկնարկած 63-րդ նստաշրջանի ընթացքում քննարկեց Հայաստանի զեկույցը: Դրան զուգահեռ Մարդու իրավունքների պաշտպանն իր հերթին այլընտրանքային զեկույց էր ներկայացրել և բարձրաձայնել մեր երկրում երեխաների իրավունքների պաշտպանության ոլորտում առկա համակարգային բացերը և հանդես եկել համապատասխան առաջարկություններով:
Քիչ առաջ ԱԻՆ-ը տեղեկացրեց, որ նախնական տվյալներով կա 2 զոհ, որոնցից մեկը «Գազել« մակնիշի վարորդ` Պողոսյան Սեյրան, ծնված 1952թ. և 11 տուժած, որոնցից 9-ը տեղափոխվել են Ապարան քաղաքի բժշկական կենտրոն, իսկ 2-ը` 1995 թ. ծնված Զարդարյան Գուրգենը և 1980 թ. ծնված Սարիբեկյան Անուշիկը տեղափոխվել են Ծաղկահովիտ գյուղի բժշկական կենտրոն:
Արմավիրի փոխմարզպետ Դավիթ Սամսոնյանը շրջայց է կատարում Արմավիրի մարզի կարկուտից տուժած համայնքներում: Սամսոնյանը գյուղացիներից հետաքրքրվում է արդյո՞ք կառավարության տրամադրած սերմացուի որակը գոհացնում է նրանց:
Երևանի բնակչուհի Նիրվարդ Գրիգորյանի հարևանը՝ Արթուր Տեր-Արսենյանը, ըստ վերջինիս առաջադրված մեղադրանքի, «խաբեությամբ առանձնապես խոշոր չափի գումար հափշտակելու դիտավորությամբ զանգահարել է վերջինիս տան հեռախոսահամարին, ներկայացել քաղաքապետարանի աշխատակից:
Օրինականության ու իրավակարգի ամրապնդման, Լեռնային Ղարաբաղի Հանրապետության դատախազության մարմինների հետ սերտ համագործակցությունն ապահովելու համար եւ Հայաստանի Հանրապետության դատախազության օրվա կապակցությամբ, ԼՂՀ գլխավոր դատախազի թիվ 07 առ 01.07.2013 հրամանով Հայաստանի Հանրապետության գլխավոր դատախազ, արդարադատության պետական խորհրդական Աղվան Գառնիկի Հովսեփյանին շնորհվել է «ԼՂՀ դատախազության պատվավոր աշխատող» կոչում:
Twitter միկրոբլոգի ծառայության վեբ-տարբերակը «սովորել» է ավտոմատ կերպով թարգմանել հաղորդագրությունները, դրա համար օգտագործելով` Bing որոնման տեխնոլոգիան, որը պատկանում է Microsoft ընկերությանը: Նորարարությունը, սակայն, դեռևս հասանելի չէ բոլոր օգտվողների համար:
Հանրապետության Նախագահը խորին ցավակցություն և զորակցություն է հայտնել ԱՄՆ Նախագահին, հրշեջների ընտանիքներին և Միացյալ Նահանգների բարեկամ ժողովրդին՝ մաղթելով համբերություն, ուժ և կորով:
Ընդգծելով, որ Եվրոպայի Խորհրդի անդամ երկրները տարբեր են իրենց պատմությամբ և ներկայով, սակայն միավորված են ընդհանուր արժեքներով, Նախագահը նշել է, որ Հայաստանի ցանկությունն է, որպեսզի Եվրոպական դատարանը լինի հնարավորինս արդյունավետ աշխատող կառույց: Այս առումով, ըստ Հանրապետության Նախագահի, Հայաստանն ամբողջապես աջակցել և աջակցում է բոլոր այն գործընթացներին ու բարեփոխումներին, որոնց նպատակը Դատարանի արդյունավետության բարձրացումն է:
Mozilla-ում խոստացել էին, որ Firefox OS-ի հիման վրա աշխատող հեռախոսները էժան են լինելու, սակայն քչերն էին կարծում, որ գինը այդքան ցածր կլինի: Смартфон ZTE Open հեռախոսը, որը վաղվանից մեծածախ վաճառքի կհանվի Իսպանիայում, գնահատել են 69 եվրո:
Նախագահ Սերժ Սարգսյանն այսօր ցավակցական հեռագիր է հղել Ռուսաստանի Դաշնության Նախագահ Վլադիմիր Պուտինին՝ Յակուտիայում ՄԻ-8 ուղղաթիռի կործանման կապակցությամբ, որը դարձել է բազմաթիվ մարդկային զոհերի պատճառ:
Այսօր ՀՀ քաղաքաշինության նախարար Սամվել Թադևոսյանը խոսելով 2012 թ. ՎՊ տարեկան հաշվետվության մասին հայտարարել է. «ՎՊ բացահայտումները թեև վերաբերվում են շինարարության ոլորտին, բայց հաշվետվության մեջ նշված է` քաղաքաշինության ոլորտ: Ճիշտ կլիներ, եթե ՎՊ-ն նշեր, ոչ թե «քաղաքաշինություն» բառը, այլ «շինարարություն»:
Դեռևս չբացահայտված հանգամանքներում բախվել են «ԳԱԶել» մակնիշի 2586Լ պետհամարանիշի և «ԶԻԼ» մակնիշի 02ՍՍ091 պետհամարանիշի ավտոմեքենաները: Նախնական տվյալներով կա 2 զոհ և 11 տուժած, որոնցից 2-ը տեղափոխվել են Ծաղկահովիտ գյուղի բժշկական կենտրոն, իսկ 9-ը` Ապարան քաղաքի ԲԿ:
Հուլիսի 10-ին լրանում է Ավետիք Բուդաղյանի մահվան քառասուն օրը: Այս օրերին, ըստ մամուլի հրապարակումների, Սուրեն Խաչատրյանը փորձում է փաստաբանների միջնորդությամբ հանդիպել Բուդաղյանների ընտանիքի անդամներին, ներողություն խնդրել: Սակայն, ըստ Բուդաղյանների հարազատների, այս տեղեկատվությունը չի համապատասխանում իրականությանը:
«ՆԱՍԴԱՔՕԷՄԷՔՍ Արմենիա» բորսայում այսօր՝ հուլիսի 2-ին, արտարժութային գործարքներ տեղի չեն ունեցել։ Դոլարն առաջարկվել է 411.5 դրամով, սակայն պահանջարկի գինը չի գերազանցել 411.25 դրամը։
Տարոն Հայրունու հետ առանձնազրույցի ժամանակ պարզվել է, որ ինչպես զորամասը լքելուց առաջ, այնպես էլ հետո իր նկատմամբ որևէ բռնություն կամ խոշտանգում չի կիրառվել, ավելին` նկատի ունենալով իր կողմից զորամասը լքելու հանգամանքների վերաբերյալ ոչ հստակ պարզաբանումներ ներկայացնելը, զորամաս վերադառնալուց անմիջապես հետո զննվել է հոգեբույժի կողմից, ով ամբողջովին առողջ է համարել իրեն:
Տարբեր լրատվամիջոցներով տեղեկատվություն է տարածվում, որ «Մանկավարժական համալսարանը, չնայած նախարարի հորդորին, չի զեղչել կարկուտից տուժած մրգաշատցի ուսանողուհու ուսման վարձը»:
Հայաստանի վարչապետ Տիգրան Սարգսյանը հայտարարել էր, թե տեղյակ չի եղել, որ իր անունով բաժնեմաս են գրանցել օֆշորային ընկերությունում: Ինչպե՞ս են մեկնաբանում Կիպրոսի գլխավոր դատախազի հայտարարությունը կառավարության լրատվության և հասարակայնության ծառայությունից: Նկատենք, որ մինչ ժամը 20:30 որևէ ինֆորմացիա այդ մասին կառավարության պաշտոնական կայքէջում տեղադրված չէ: Վարչապետ Տիգրան Սարգսյանը որևէ կերպ չի արձագանքում այդ հայտարարությանը:
Հունիսի 27-28-ը ՊԵԿ պատվիրակությունը, նախագահ Գագիկ Խաչատրյանի գլխավորությամբ, մասնակցել է հարկային մարմինների ներեվրոպական կազմակերպության` Բեռնում կայացած 17-րդ ընդհանուր համագումարին, որն ընթանում էր Շվեյցարիայի դաշնային հարկային մարմնի նախագահությամբ:
ՀՀ նախկին նախագահ Ռոբերտ Քոչարյանն ու նրա որդին՝ Սեդրակ Քոչարյանն ընդդեմ «Ժամանակ» օրաթերթի հիմնադիր «Սկիզբ Մեդիա» ընկերության և Առաջին լրատվական ընկերության հայցադիմումի գործով դատաքննությունն այսօր չսկսվեց:
ՀՀ փոխվարչապետ, տարածքային կառավարման նախարար Արմեն Գեւորգյանն այսօր խորհրդակցություն անցկացրեց Արարատի մարզի Զորակ համայնքի տարածքում գտնվող, ձկնարտադրությամբ զբաղվող «Էկոֆիշթրեյդ» ընկերությունում`Արարատյան դաշտավայրում ձկնաբուծական տնտեսությունների կողմից օգտագործվող ջրի ծավալների կրճատման, ինչպես նաեւ ջրի օգտագործման նոր տեխնոլոգիաների կիրառման հնարավորությունները քննարկելու նպատակով:
Հուլիսի 3-4-ին շրջանների զգալի մասում ժամանակ առ ժամանակ սպասվում է, իսկ 5-ին առանձին շրջաններում հնարավոր է կարճատև անձրև և ամպրոպ, առանձին հատվածներում հնարավոր է կարկուտ: Ամպրոպի ժամանակ սպասվում է քամու ուժգնացում մինչև 15-20 մ/վրկ:
ՀՀ Գլխավոր դատախազն այսօր Կիպրոսի Գլխավոր դատախազին առձեռն փոխանցել է իրավական օգնության մասին միջնորդագրերի կրկնօրինակները: Իրավական օգնություն ցուցաբերելու վերջին միջնորդությունը Կիպրոսի դատախազին էր ուղարկվել հունիսի 19-ին, իսկ նախորդը 2012 թվականին քննչական մարմինը հասցեագրել էր Կիպրոսի իրավապահ մարմիններին:
Հուլիսի 4-ին Լեռնային Ղարաբաղի Հանրապետության իշխանությունների հետ ձեռք բերված պայմանավորվածության համաձայն` ԵԱՀԿ առաքելությունը Լեռնային Ղարաբաղի եւ Ադրբեջանի զինված ուժերի շփման գծի պլանային դիտարկում է անցկացնելու ԼՂՀ Մարտակերտի շրջանի Թալիշ բնակավայրի մերձակայքում:
Հուլիսի 1-ից ուժի մեջ են մտել անձնագրերի հետ կապված հյուպատոսական գործողություններին վերաբերող «Պետական տուրքի մասին» օրենքում Ազգային ժողովի կողմից հունիսի 19-ին կատարված փոփոխություններն ու լրացումը:
Կարևոր է, որ իրականացված աշխատանքը գնահատվում է, բայց այդ գնահատականը մեզ չպետք է հանգստացնի. սա վկայում է այն մասին, որ խնդիրը ՀՀ իշխանությունների ուշադրության կենտրոնում է, բայց անելիքներ դեռ կան, և միջազգային հանրության, քաղաքացիական հասարակության, համապատասխան մարմինների աջակցությամբ առկա խնդիրները ևս պետք է իրենց լուծումներն ստանան:
Հունիսի 30-ին Գյումրի կատարած այցի շրջանակում վարչապետ Տիգրան Սարգսյանն անդրադարձել է «ԴիջիԹեք» գործարար համաժողովի ընթացքում Հայաստանում ԱՄՆ դեսպան Ջոն Հեֆֆերնի այն հայտարարությանը, որ կառավարությունները պետք է հնարավորինս քիչ միջամտեն ՏՏ ոլորտին, և ոլորտը պետք է ինքնուրույն ընտրի զարգացման ուղին:
«Երևան Ջուր» ընկերությունը տեղեկացնում է իր հաճախորդներին և սպառողներին, որ, ջրագծի վթարի վերացման աշխատանքների հետ կապված, ս.թ. հուլիսի 3-ին ժամը 10.00-22.00 կդադարեցվի Դավթաշենի 3-րդ բնակելի զանգվածի և հարակից տարածքների ջրամատակարարումը:
Ըստ ՀՀ ոստիկանության Երևանի վարչության ուղեկցող գումարտակի ավագ ոստիկան Հարություն Հովհաննիսյանին առաջադրված մեղադրանքի, նա ծառայության նկատմամբ անբարեխիղճ և անփույթ վերաբերմունք է դրսևորել:
ՀՀ գլխավոր դատախազ Աղվան Հովսեփյանը, պատասխանելով «Ազատություն» ռադիոկայանի հարցերին, ասել է, որ վերահսկիչ պալատի հաշվետվության նյութերով, որտեղզ կլինեն հանցագործության տարրեր, կարող են քրեական գործեր հարուցվել:
Նախագահը շնորհավորել է դեսպանին նշանակման կապակցությամբ և հաջողություններ մաղթել մեր երկրում դիվանագիտական առաքելությունն իրականացնելու գործում: Սերժ Սարգսյանը նշել է, որ Հայաստանը բարձր է գնահատում Նիգերիայի ակտիվ գործունեությունը Աֆրիկյան միության շրջանակներում, կարևորում նաև այդ երկրի ներդրումը աշխարհում խաղաղության ու կայունության պահպանման գործում:
