168TV-ի «Բլից հարցում» հաղորդման հարցերին պատասխանում է «Ռազմինֆո» մասնագիտացված կայքի համակարգող Կարեն Վրթանեսյանը:
«Սերժ Սարգսյանի հրապարակած ձայնագրությունից ևս մեկ անգամ համոզվեցինք, որ Փաշինյանը ամբողջ իր դեստրուկտիվ ակտիվությունը արել է միտումնավոր, այսինքն՝ միտումնավոր կերպով տապալել է բանակցային գործընթացը, ինչը իր կարծիքով՝ կանվեյեր էր, որը պետք է տաներ պատերազմի»,- 168TV-ի «Ռեվյու» հաղորդման ընթացքում ասաց ռազմական փորձագետ Դավիթ Ջամալյանը՝ ընդգծելով, որ ինքը հեռու է այն մտքից, որ Փաշինյանը հոգեկանի հետ կապված խնդիրներ ունի:
«Հայացք» վերլուծական կենտրոնի տնօրեն Աննա Կարապետյանի կարծիքով՝ խաղաղ համակեցություն չի նշանակում, որ թշնամու զորքը պետք է ներխուժի քո տարածք և սկսի դիրքեր կառուցել քո տարածքում, քո զինվորներին ծեծել, գերեվարել, և դու դրա հետ խաղաղ համակերպվես:
«Դեռ նախագահներն էին ասում, որ սա լինելու է ամենախայտառակ ընտրություններից մեկը՝ կեղտոտ տեխնոլոգիաների կիրառման առումով: Նույնիսկ տեխնոլոգիաներ էլ չեն կիրառվում, այլ հանրահավաքների ժամանակ լեզվակռիվ է սկսում վարչապետի ԺՊ-ն իր հակառակորդների հետ: Այլ հարց է, որ ընտրարշավի բովանդակությունը շատ ավելի սուր է, քան գուցե ես էլ կարող էի պատկերացնել: Շատ անձնավորված բնույթ է կրում. մենք տեսնում ենք, որ գործող վարչապետը ուղղակիորեն հարձակվում է նախկին նախագահների վրա, սպառնում է լեշ դարձնել, գետնին փռել, տարբեր պիտակներ է կպցնում, անվան հետ է խաղում: Փողոցային մակարդակի քարոզչություն է վարում Նիկոլ Փաշինյանը»,- 168TV-ի «Ռեվյու» հաղորդման ընթացքում ասաց նա:
«Ես երեկ հայտարարել եմ, որ 24 ժամ եմ տալիս կապիտուլյանտին, որպեսզի իր կողմից տարածված կեղտոտ ստերը ինչ-որ կերպ ապացուցելու համար որևէ փաստ ներկայացնի, որևէ փաստ, և 24 ժամը անցել է, ինչպես տեսնում եք՝ որևէ փաստ չկա: Ես հենց դա էի ուզում, իմ նպատակը դա էր, որպեսզի բոլորը համոզվեն, որ տարիների ընթացքում հերյուրանքներով զբաղվող մարդիկ ուղղակի ստախոս էին, ուղղակի վարկաբեկում էին՝ չունենալով ձեռքի տակ որևէ փաստաթուղթ»,- Գեղարքունիքի մարզում «Պատիվ ունեմ» դաշինքի քարոզարշավի ժամանակ հայտարարեց ՀՀ երրորդ նախագահ Սերժ Սարգսյանը:
Հարցին՝ իր համար հասկանալի՞ է այս դեպքում բանակի կեցվածքը, նա պատասխանեց. «Ոչ, հասկանալի չէ: Ինձ համար բանակի կեցվածքը հասկանալի չէր պատերազմի վերջին օրերից սկսած, պատերազմի հաջորդ օրվանից սկսած, երբ բանակը փրկեց Նիկոլ Փաշինյանին՝ որպես քաղաքական գործիչ, և Նիկոլ Փաշինյանը դրա շնորհիվ ժամանակ շահեց, զինեց իր խաժամուժին և շանս ստացավ Հայաստանը քանդելը շարունակել: Բանակը փրկեց Փաշինյանին՝ նա թաքնված է ԶՈւ տարածքում, այդ բունկերից էր լայվեր մտնում, որտեղ նաև կոչ էր անում քաղաքացիական պատերազմի»:
«Ժողովուրդը ինչքան կուզի՝ կխփի. 60 կուզի՝ կխփի, 70 կուզի՝ կխփի, 80 կուզի՝ կխփի, որովհետև ժողովրդի դեմը խաղ չկա, ո՞վ ա էն տղամարդը, որ կարող է ժողովրդին մարտահրավեր նետել, ժողովուրդը էդ տղամարդուն ծնկի կբերի Հանրապետության հրապարակում»:
«Իրավիճակը ՀՀ սահմաններին այնքանով է նորմալ, որքանով նորմալ է Նիկոլ Փաշինյանի և «Իմ քայլի» գոյությունը հայկական քաղաքական դաշտում և երկրի ղեկին»,- 168TV-ի «Ռեվյու» հաղորդման ընթացքում ասաց Ադրբեջանի հարցերով փորձագետ Արմինե Ադիբեկյանը՝ ընդգծելով՝ դրանք փոխկապակցված երևույթներ են:
«Սկսած 2018թ. մայիսից ՀՀ կառավարությունը չի ունեցել և չունի ներդրումային քաղաքականություն, այսինքն՝ չգիտի՝ ինչպես խրախուսել ներդրումները, ինչպես պաշտպանել դրանք, և այո, ես պնդում եմ, որ Հայաստանը վարում է «փակ դռների» քաղաքականություն: Դա արվում է մտածված ձևով՝ ոչ միայն չներգրավել, այլև չպաշտպանել ինստիտուցիոնալ ներդրողներին, որոնք ահռելի քանակի ներդրումներ էին արել, և նրանց ակտիվները փաստացի չեն պաշտպանվում ՀՀ-ում»,- 168TV-ի «Ռեվյու» հաղորդման ընթացքում ասաց նա:
«Իմացող թե չիմացող, տգետ թե գրագետ բանավեճեր են բացում, թե իբր այդ ճակատամարտը չկար, որովհետև պարսիկները չեն հիշատակում, իբր այն չէր, ինչ մենք ենք հասկացել: Ծաղրում էին բարոյական հաղթանակը. այնքան ծաղրեցին բարոյական հաղթանակը, մինչև ապաբարոյականությունը դարձավ հասարակական նորմ և պետական կառավարման ձև: Այ, բարոյական հաղթանակ ծաղրող հասարակության վերջնահանգրվանը այսպիսին է լինում, ինչքա՜ն էինք ծաղրում, չէ՞: Այն, ինչ գրագետները առաջարկում են մեզ՝ Վարդան-Վասակ հակադրության մեջ Վասակին արդարացնելով, ներկայացնելով՝ որպես պետականամետ, և դրա զուգահեռը տեսնելով այսօրվա մեջ…
«2018թ. Փաշինյանն Ալիևի հետ պայմանավորվել էր, որ Ալիևը քիչ սահմանային միջադեպեր անի, պատճառաբանելով, որ՝ իմ երկրում անկայուն քաղաքական վիճակ է, թող կայունանամ: Նիկոլ Փաշինյանը իմ ու իմ ընկերների վրա Ալիև է բերել. իր մեծ ախպերն Ալիևն է: Եթե դա կարող էր պայմանավորվել, ո՞վ ասաց, որ մնացածը չի կարող պայմանավորվել: Խնդրում եմ, ֆիքսեք, թե ոնց է Նիկոլը խոսում Ալիևի մասին՝ կիրթ, գրագետ, կառուցողական, և ոնց է խոսում իր ընդդիմադիրների՝ մեր մասին՝ փողոցային բառապաշարով, կեղծ «դուխով»: Ինքը վախենում է Ալիևից, բայց իրականում պետք է վախենա հայ ժողովրդից, որովհետև երկրագնդի վրա ամենաշատ վնասը, չարությունն ու չարիքը բերել է հայ ժողովրդի գլխին, այնինչ, պետք է փորձեր դա անել Ալիևի նկատմամբ»:
Հետաքրքրվեցինք՝ եթե ստորագրած լիներ, արդյո՞ք այս միջադեպերը կշարունակվեին: Ի պատասխան՝ նա հետևյալն ասաց. «Այո, ինչո՞ւ ոչ: Ինքը ասում է՝ մինչև դուրս չգան, ես չեմ ստորագրի, այսինքն՝ ասում է՝ ես ստորագրելու եմ, միայն թե դուրս գան: Հիմա Ադրբեջանին ի՞նչն է ձեռնտու, որ նա ստորագրի այդ փաստաթուղթը և դրանով ճանաչի Ադրբեջանի տարածքային ամբողջականությունը: Այսինքն՝ մենք Արցախից հրաժարվում ենք արդեն վերջնականապես, պաշտոնապես, Արցախը ճանաչում ենք՝ որպես Ադրբեջանի մաս»:
«Արյունաբանականի գործունեությունը իմ գործունեության հետ կապ չի ունեցել, ես տեղյակ չեմ եղել, առաջին անգամ Ձեզնից եմ լսում արյունաբանականի դեպքի մասին: Իսկ դպրոցի բացումը իմ հրաժարականից հետո է եղել: Իմ գործունեության համար հիմք է ծառայել ինչ-որ մի դրական փոփոխություն և ազդեցիկ ծրագրեր իրականացնելը: Թե ինչ է անում Աննա Հակոբյանը, դա իմ գործունեության տիրույթից դուրս է: Իհարկե, ես էլ չեմ ընդունում, որ կարելի է դպրոցի բացումը կրկնակի անգամ օգտագործել, գուցե PR-ի համար: Չգիտեմ: Գուցե դա է եղել նպատակը: Բայց այն, որ դպրոցը վերանորոգվել է, ինքն իրենով լավ փաստ է, ով ոնց է շահարկում, չարաշահում դրա բացումը, թող հանրությունը դատի և իր կարծիքը հայտնի»:
Ռազմական փորձագետ Դավիթ Ջամալյանն այն կարծիքին է, որ որևէ փաստաթղթի ստորագրման դեպքում Ադրբեջանը հանդես է գալու թելադրողի դիրքերից:
«Տեղի է ունենում Հայաստանի սողացող բռնազավթում, երբ ադրբեջանցի բաշիբոզուկները անարգել հայտնվում են մեր ինքնիշխան տարածքում, ընդ որում, այնպիսի վայրերում, որոնք մեզ համար ունեն շատ դեպքերում կենսական նշանակություն»,- 168TV-ի «Ռեվյու» հաղորդման ընթացքում ասաց «Հայրենիք» կուսակցության անդամ, իրանագետ Վարդան Ոսկանյանը:
«Դժոխային մի ճանապարհի միջով ենք անցնում, բայց պետք է անցնենք այս ճանապարհը: Ես այսօր կառավարության նիստում ձևակերպեցի՝ որն է մեր նպատակը: Նախորդ 30 տարիների մեր ամենամեծ դասը ո՞րն է, որ մենք կիսատ-պռատ հարցեր պետք է մաքսիմումը անենք, որ չթողնենք, գնանք հարցերի կոնկրետ լուծման»,- ԱԺ-ում հայտարարեց Նիկոլ Փաշինյանը:
«Ասում են՝ պաշտոնական տեղեկատվությունը վստահելի չէ. բա, ՊՆ-ն իր նախորդ հայտարարությունը ինչի՞ է հերքել նորից, որովհետև իր համար կարևոր է, որ պաշտոնական ինքը ժողովրդին անկեղծ, ազնիվ ասի էն, ինչ կա»,- ԱԺ-ում ասաց Նիկոլ Փաշինյանը:
«Այդ հանձնաժողովը ինչպես է ստեղծվելու. ես ուզում եմ ձեզ, ի գիտություն, ևս մեկ դավադրություն բացահայտել: Դեռևս 2020թ. նոյեմբերին ՀՀ-ում ստեղծվել է սահմանազատման հարցերով միջգերատեսչական հանձնաժողով, որի մասին ԱԳՆ-ը կրկին գաղափար չունի, որովհետև հանձնաժողովը ղեկավարում է ԱԳ նախարարի տեղակալը, բայց ԱԳՆ-ում, բնականաբար, ոչ ոք դրա մասին տեղյակ չէ, ուրիշ գերատեսչություններն էլ տեղյակ չեն»,- ԱԺ-ում հայտարարեց Նիկոլ Փաշինյանը:
«Մենք համոզված ենք, որ պետք է նոյեմբերի 9-ի հայտարարությունը լիարժեքորեն իրագործվի, որովհետև նոյեմբերի 9-ի հայտարարության ստորագրման հանգամանքների վերաբերյալ ես բազմիցս բացատրություններ տվել եմ: Նրանք, ովքեր դա համարում են դավաճանություն, թող հայտարարեն, որ իշխանության գալու պարագայում՝ ստորագրությունը հետ են վերցնելու ՀՀ-ի: Մենք հակառակ ճանապարհով ենք գնում»,- ԱԺ-ում հայտարարեց Նիկոլ Փաշինյանը:
Այս բանակցությունների ընթացքում ադրբեջանական կողմից ձևավորվող թեզեր կան, որ ես նախ ընդդիմության ներկայացուցիչներից եմ լսում, հետո մի երկու ժամ անց ասում են՝ գիտեք՝ ինչ, Ադրբեջանը այսպիսի դիրքորոշում ունի, բայց դրա մասին առաջինը, օրինակ, հայտարարել են մեր ընդդիմության ներկայացուցիչները, ովքեր կրծքով պաշտպանում են Սյունիքի մարզը, իբր»:
Նիկոլ Փաշինյանն այսօր ԱԺ նիստում հաստատեց, որ մամուլում շրջանառվող փաստաթուղթն է քննարկվում, և վստահեցրեց, որ չկա գաղտնի հավելված. «Այսինքն՝ այս մեկը կարող է հրապարակին լիներ, մի հատ էլ կողքից գաղտնի կա՞: Ասենք, սա ինքնին աշխատանքային գաղտնի փաստաթուղթ է, այդ փաստաթուղթ ձեռք բերողը ո՞նց է, որ գաղտնի այս հատվածը ձեռք է բերել, մյուս հատվածը ձեռք չի բերել»:
Նիկոլ Փաշինյանն այսօր ԱԺ-ում հայտարարեց, որ Ադրբեջանի գործողությունների նպատակը սահմանային ռազմական բախում հրահրելն էր՝ ՀՀ ինքնիշխան տարածքի Սյունիքի մարզի ամենանեղ հատվածում, որը մոտավորապես 26 կմ է, և շղթայական ռեակցիայով ժամերի ընթացքում այդ ռազմական գործողությունները տեղափոխել ՀՀ տարածքի խորք. «Իրադրությունը գնահատելով՝ մենք որոշել ենք գնալ իրադրությունը հսկողությունից բաց չթողնելու և դիվանագիտական եղանակներով հարցը կարգավորելու ճանապարհով, և մեր գործադրած դիվանագիտական ջանքերի արդյունքում, ընդ որում՝ սա այն դեպքն է, որ կարող եմ միանշանակ և աներկբա կառավարության գործողությունները գնահատել թիմային, համակարգված և արդյունավետ, որովհետև միջազգային հանրության շրջանում, ըստ էության, իրավիճակի վերաբերյալ կա կոնսենսուս, որով արձանագրվում է Ադրբեջանի ԶՈւ գործողությունների ապօրինությունը և Հայաստանի ինքնիշխան տարածքը նրանց լքելու անհրաժեշտությունը»:
«Արդյո՞ք Արցախի 75 տոկոսը կորցնելը, 5000 զոհ ու 10000-ից ավելի վիրավոր տալը համարում ենք Ադրբեջանի համար ոչ բարենպաստ կամ ծայրահեղ ծանր վիճակ: Սա հռետորական հարց է: Ակնհայտ է, որ Ադրբեջանը միշտ եղել է սադրող, պայմանավորվածությունները չկատարող: Այսօր Ադրբեջանը փորձում է ցույց տալ, որ ադրբեջանական զինուժը գտնվում է բարձր պատրաստվածության կամ ունեն այնպիսի հնարավորություն, որ հայկական բանակը դրան չի կարող հակազդել, փորձում են այն քաղաքական պայմանավորվածությունը, որը կուլիսների հետևում է կատարվում, իրենց ձևակերպումներով հայ ժողովրդին մատուցել»,- ի պատասխան՝ ասաց նա:
«Եթե դուք էլեմենտար հարցեր չեք կարողանում լուծել՝ չեք կարողանում պետության սահմանները պաշտպանել, հետո դիմում ենք ընդդիմությանը, ասում եք՝ մի քաղաքականացրե՞ք, հասարակության ուշադրությունը մի հրավիրեք նրա վրա, որ ապաշնո՞րհ է այս իշխանությունը: Դա անհեթեթ է: Մարդիկ չենք կարողանում հարց լուծել, 200 զինվոր մտնում է ՀՀ տարածք, վազում են՝ Ռուսաստանին, ՀԱՊԿ-ին խնդրում են, ասում են՝ եկեք, մեր տեղը հարցը լուծեք, հետո հակառուսական ալիք է բարձրանում, թե ինչու հարցը չի լուծվում»,- 168TV-ի «Ռեվյու» հաղորդման ընթացքում ասաց քաղաքական մեկնաբան Հայկ Խալաթյանը:
«Դա չի եղել անձնավորված, այսինքն՝ դա չի եղել քաղաքապետի անձով կամ երկրի ղեկավարով պայմանավորված, դա եղել է համակարգի թերությունների դեմ պայքար, որը ընդունում են նաև ՀՀԿ կարկառուն ներկայացուցիչները: Եվ կարծում եմ՝ ՀՀԿ-ն ևս այս երեք տարիների ընթացքում անցել է որոշակի քավության ճանապարհ, ինքնամաքրվել է, իրենք ևս վերագնահատել են իրենց նախկին աշխատելաոճը, նախկին կուսակիցներին, որոնք այսօր ամենևին ՀՀԿ-ի շարքերում չեն: Այսինքն՝ այդ կուսակցությունն ինքնամաքրվել է»:
«Ինչպե՞ս կարող է այդ պատասխանը ինձ բավարարել, երբ դրա մի մասը լկտի սուտ է, մյուս մասը՝ խոստում, որ նման դեպքեր էլի են լինելու, էլի կգան մեզանից տարածքներ կգրավեն, և վերջին հատվածում խոսք, որ՝ մենք պատրտաստվում ենք փաստաթղթի տեսք տալ դավաճան, կապիտուլյանտի ստորագրությամբ հանձնված տարածքներին: Երեք կետերով էլ ստոր արարածի արտահայտություն է և ստոր մոտեցում է, նաև՝ դավաճանության շարունակություն է՝ ժողովրդի և պետության հանդեպ»,- ի պատասխան՝ ասաց նա:
«Երեկ ուսապարկերի խորհրդարանի ինքնալուծարումը, գոյության դադարումը «Հայրենիքի փրկության շարժման» պայքարի արդյունքներից մեկն էր: Եթե չլիներ «Հայրենիքի փրկության շարժումը», քաղաքացիները դուրս չգային փողոց, որևէ մեղքի զգացում չունեցող այդ ուսապարկերը կշարունակեին պաշտոնավարել՝ իրենց կուռք Նիկոլ Փաշինյանի գլխավորությամբ»,- 168TV-ի «Ռեվյու» հաղորդման ընթացքում ասաց ՀՅԴ անդամ Գեղամ Մանուկյանը:
Ստորագրված պայմանագրով 4.5 տարի անց Ադրբեջանը կարող է հրաժարվել ռուսական խաղաղապահ զորքերից: Հիմա որևէ մեկը ձեզանից լսե՞լ է այս իշխանավորներից, թե ինչ են անում իրենք այդ ուղղությամբ, արդյո՞ք պատրաստ են իրենք այսպիսի սցենարի, թե՞ ոչ: Պարտության դեմք հանդիսացող իշխանությունը չի կարող արդյունավետ բանակցող լինել, հնարավոր չէ բանակցել թշնամու հետ, եթե դու չորեքթաթ ես շարժվում, եթե ծնկներիդ վրա ես կանգնած: Հետևաբար, պետք է գա մի իշխանություն, որը ի վիճակի է արհեստավարժ ձևով, հպարտ բանակցել և հասնել Ղարաբաղի համար բարենպաստ լուծումների: Մենք կարող ենք դա անել»:
«Այսօր այս հարթակից մենք հետհաշվարկ ենք բացում Շուշին հանձնած իշխանությանը՝ իշխանության մնալու առումով, իրենց մնացել է 42 օր: Վաղը մնալու է 41 օր, մյուս օրը՝ 40 օր, և այդպես շարունակ: Ուրեմն՝ ամեն օր ձեր էջերում գրեք այդ օրերի հետհաշվարկը, և սա պետք է դառնա ամբողջ հանրապետության աճող սպասելիքը: Վստահ եղեք, որ ամեն ինչ լավ է լինելու»,- այսօր Ազատության հրապարակում հայտարարեց ՀՀ երկրորդ նախագահ Ռոբերտ Քոչարյանը:
«Վերածնվող Հայաստան» կուսակցության նախագահ Վահե Հակոբյանն Ազատության հրապարակում հայտարարեց՝ չի կարողանում շնորհավորել Եռատոնը, որովհետև այն գողացել են:
