«Հարավային հոսքը» առաջնահերթ չէ ԵՄ-ի համար. Եվրահանձնաժողով
Ուկրաինական UNIAN լրատվական գործակալության փոխանցմամբ՝ Եվրահանձնաժողովի համար կարևոր է, որ ԵՄ-ի տարածքում հարգանք ցուցաբերվի եվրոպական օրենսդրության հանդեպ և որ ԵՄ-ի համար առաջնահերթ չէ «Հարավային հոսք» գազատարի նախագիծը:
Եվրահանձնաժողովը հայտարարել է, որ «Հարավային հոսք» գազատարի հարցում ԵՄ-ի դիրքորոշումը չի ենթարկվել փոփոխության, այն չի համարվում առաջնահերթ: Այս մասին հայտարարել է Եվրահանձնաժողովի փոխնախագահ Գյունթեր Օթթինգերի ներկայացուցիչ Սաբին Բերգերը:
Նրա խոսքերով՝ իրենց համար առաջնահերթը ոչ թե «Հարավային հոսքն» է, այլ՝ մատակարարման ուղիների դիվերսիֆիկացումը, որինակ եվրոպական շուկայի համար Հարավային գազային միջանցքի բացումը:
