ԱՄՆ-ը ժամանակավորապես Եվրոպայում տեղակայել է B-52 ռազմավարական երեք ռմբակոծիչ
Ռուսական ИТАР-ТАСС լրատվական գործակալության փոխանցմամբ՝ ԱՄՆ-ը ժամանակավորապես Եվրոպա է փոխադրել B-52 ռազմավարական երեք ռմբակոծիչ, որոնք ունակ են կրել միջուկային մարտական լիցքեր: Այս մասին երեկ հայտնել է ԱՄՆ-ի զինված ուժերի ռազմավարական հրամանատարության մամլո ծառայությունը:
Վերջինիս հաղորդմամբ՝ այդ ինքնաթիռները Եվրոպայում կգտնվեն մոտ երկու շաբաթ: Ինքնաթիռները տեղակայվել են Մեծ Բրիտանիայում՝ Գլոստերշիր կոմսության Ֆեյրֆորդ բազայում և կանցկացնեն ուսումնական թռիչքներ: Պլանավորված է, որ այդ ընթացքում ինքնաթիռների անձնակազմը ծանոթանալու է տարածաշրջանի բազաների և դրանցում անցկացվող գործողությունների հետ:
