Միացյալ Թագավորության արտակարգ և լիազոր դեսպան Ալեքսանդրա Քոուլը հանդիպումներ է ունեցել ԱԺ ղեկավարության և տարբեր խմբակցությունների ներկայացուցիչների հետ
Նորընտիր Ազգային ժողովի աշխատանքի մեկնարկից հետո Միացյալ Թագավորության արտակարգ և լիազոր դեսպան Ալեքսանդրա Քոուլը հանդիպումներ է ունեցել ԱԺ ղեկավարության և տարբեր խմբակցությունների ներկայացուցիչների հետ՝ ծանոթանալու նրանց առաջնահերթություններին և քննարկելու Մեծ Բրիտանիա-Հայաստան համագործակցությունը։ Այս մասին հայտոնւմ են դեսպանատնից։
Դեսպանը հանդիպել է «Ուժեղ Հայաստան» խմբակցության ղեկավար Նարեկ Կարապետյանի, «Հայաստան» խմբակցության ղեկավար Աննա Գրիգորյանի, ինչպես նաև ԱԺ նախագահի տեղակալներ Վահագն Ալեքսանյանի, Արամ Վարդևանյանի և Հայկ Կոնջորյանի հետ։ Այս հանդիպումներին նախորդել էր նրա հանդիպումը ՀՀ Ազգային ժողովի նախագահ Ռուբեն Ռուբինյանի հետ։
Դեսպանը կարևորել է խորհրդարանական երկխոսությունն ու տարբեր քաղաքական ուժերի հետ շփումները՝ դրանք համարելով ՄԹ-Հայաստան ռազմավարական գործընկերության կարևոր բաղադրիչ։
