ՌԴ ԱԴԾ-ը Սոչիում ահաբեկչական հարձակումները կանխել է ԱՄՆ-ի ու Վրաստանի հետ համագործակցությամբ
Ռուսական РИА Новости լրատվական գործակալության փոխանցմամբ՝ ԱՄՆ-ի, Ավստրիայի, Ֆրանսիայի, Գերմանիայի ու Վրաստանի իր գործընկերների հետ համատեղ աշխատանքը ՌԴ ԱԴԾ-ին հնարավորություն է տվել կանխել Սոչիի օլիմպիական օբյեկտների վրա ահաբեկչական հարձակումները:
Այս մասին այսօր հայտարարել է ՌԴ ԱԴԾ-ի տնօրեն Ալեքսանդր Բորտնիկովը: Նրա խոսքերով՝ ահաբեկչությունն այսօր հանդիսանում է անդրազգային հանցագործ երևույթ: Բորտնիկովը հավելել է, որ միայն 2013 թվականին աշխարհի ավելի քան 70 երկիր իր վրա զգացել է ահաբեկչական գործունեության հետւանքները.
«Ահաբեկչության դեմ արդյունավետ հնարավոր է պայքարել միայն բոլոր երկրների համատեղ ջանքերով: Դրա վառ օրինակն է ԱՄՆ-ի, Ավստրիայի, Ֆրանսիայի, Գերմանիայի ու Վրաստանի իր գործընկերների հետ ՌԴ ԱԴԾ-ի համատեղ աշխատանքը, ինչը հնարավորություն տվեց կանխել Սոչիում օլիմպիական օբյեկտների վրա ահաբեկչական հարձակումների իրականացումը»:
