Կիևը Յանուկովիչի արտահանձնման հարցով դիմել է Մոսկվային

РБК-Украина-ի փոխանցմամբ՝ Ուկրաինայի անվտանգության ծառայությունը դիմել է Ռուսաստանի Անվտանգության դաշնային ծառայությանը՝ խնդրելով արտահանձնել երկրի նախկին նախագահ Վիկտոր Յանուկովիչին: Այս մասին հայտարարել է Ուկրաինայի անվտանգության ծառայության նոր պետ Վալենտին Նալիվայչենկոն:

Վերջինս չի հաստատել տարածված այն տեղեկությունները, թե Յանուկովիչը մահացել է: Սրանից առաջ Յանուկովիչի արտահանձնմանը ձգտում էր հասնել ուկրաինական դատախազությունը: Ուկրաինայի նոր իշխանությունները նրան մեղադրում են զանգվածային սպանություններին մասնակցելու մեջ: Յանուկովիչի նկատմամբ Ուկրաինայում հայտարարվել է հետախուզում: