Արցախի բռնազավթումից հետո Հայաստանի մարտահրավերները նկատելիորեն ավելացել են՝ հասնելով սպառնալից չափերի. Վարդան Ոսկանյան
ԵՊՀ իրանագիտության ամբիոնի վարիչ, իրանագետ Վարդան Ոսկանյանը ֆեյսբուքյան իր էջում գրում է.
«Հետանկախության շրջանի Հայաստանի ներքին հասարակական-քաղաքական խոսույթի կոպտագույն սխալներից մեկը եղել է այն, թե մենք բախվում ենք դժվարությունների և մարտահարավերների, որովհետև պայքարում ենք Արցախի համար։
Հենց այս սխալի օգտագործման և նենգափոխման միջոցով էլ մեր հասարակությունը պարբերաբար թունավորվել է այն քայքայիչ քարոզչությամբ, թե, եթե Արցախը չլինի, ապա Հայաստանն, իբր, դժվարություններ չի ունենա, Հայաստանի շահն, իբր, ստորադասվել է Արցախի հիմնախնդրին և այլն։
Մինչդեռ այժմ արդեն Արցախի կորստից հետո, պարզ է դարձել, որ այդ ամենը ոչ մի քննադատության չդիմացող քարոզչական թույն էր/է, քանզի Արցախի բռնազավթումից հետո Հայաստանի խնդիրներն ու մարտահրավերները ոչ միայն չեն պակասել, այլ նաև նկատելիորեն ավելացել են՝ ընդհուպ հասնելով սպառնալից չափերի»։
