Տղամարդիկ պետք է ձգտեն ստանալ բարձրագույն կրթություն. Պավել Պրյանիկովը` բարձրագույն կրթության հասանելիության նվազեցման մասին
Հրապարակախոս Պավել Պրյանիկովն անդրադարձել է իշխանությունների քաղաքականությանը՝ ուղղված բարձրագույն կրթության հասանելիության նվազեցմանը. «որևէ լավ բան չի խոստանում քաղաքացիներին.
«Ցածր կրթական մակարդակ ունեցող երիտասարդ տղամարդիկ վերջին տարիներին կորցրել են իրենց հարաբերական տնտեսական կարգավիճակի ամենամեծ մասը։
Այդ պատճառով էլ ես ամեն անգամ ասում եմ, որ տղամարդիկ պետք է ձգտեն ստանալ բարձրագույն կրթություն։ Նույնիսկ եթե բարձրագույն կրթություն ունեցող անձի աշխատավարձը ցածր է որակավորված բանվորի աշխատավարձից, ինչպես ցույց են տալիս բազմաթիվ հետազոտություններ, բարձրագույն կրթությունը տալիս է մարդկային կապիտալի ավելի բարձր մակարդակ՝ ավելի ճիշտ ապրելակերպ և ավելի լավ առողջություն, շփման ավելի զարգացված շրջանակ, ավելի լավ ընտանեկան կարգավիճակ և ավելի քիչ ամուսնալուծություններ, բարձրագույն կրթություն ունեցող տղամարդկանցից բանտ է ընկնում մի քանի անգամ քիչ և այլն:
Հետևաբար, հասարակ մարդիկ միշտ մեծ թերահավատությամբ պետք է վերաբերվեն վերադասների հայտարարություններին և հատկապես պրակտիկային՝ երիտասարդներին ուղարկելու միջին մասնագիտական հաստատություններ կամ ուղղակի աշխատանքի 14-16 տարեկանից՝ բարձրագույն կրթություն ստանալու փոխարեն (ինչպես հիմա տեղի է ունենում նույն Ռուսաստանում): Միջնաժամկետ և երկարաժամկետ հեռանկարում սա հասարակ մարդկանց համար որևէ լավ բան չի բերի»:
Հրապարակման պատրաստեց 168.am-ը
