Եգիպտոսը հայտնել է, թե օրական քանի վիրավոր պաղեստինցի է ընդունում
Եգիպտոսի հիվանդանոցներն ամեն օր ընդունում են 40-50 վիրավոր պաղեստինցիների Գազայի հատվածից։ Ինչպես տեղեկացնում է «ՌԻԱ Նովոստի»-ն, այդ մասին հայտնել է Եգիպտոսի առողջապահության նախարար Խալեդ Աբդել Ղաֆարը։
Չորեքշաբթի օրը Գազայի հատվածից Ռաֆահ անցակետով սկսվել է վիրավոր պաղեստինցիների տարհանումը Եգիպտոս։ Տուժածներին տեղափոխում են Սինայի թերակղզու մի շարք հիվանդանոցներ։
«Օրական հաղորդվում է մոտ 40-50 տուժածի մասին»,- ասել է Աբդել Ղաֆարը Էլ-Արիշ քաղաքում մամուլի ասուլիսի ժամանակ, որը հեռարձակել են եգիպտական հեռուստաալիքները։
Նա նշել է, որ մի շարք վիրավորներ տեղափոխվել են Սինայի թերակղզուց դուրս գտնվող մի քանի քաղաքների հիվանդանոցներ, մասնավորապես՝ Պորտ Սաիդ և Իսմայիլիա։
