2018թ. իշխանության է եկել մի ուժ, որի համար Արցախի հարցի լուծումը Արցախի չլինելն է. Տիգրան Աբրահամյան
Այսօր Շառլ Ազնավուրի անվան հրապարակում Ազգային ժողովի ԱԺ Մարդու իրավունքների և հանրային հարցերի մշտական հանձնաժողովի նախագահ Թագուհի Թովմասյանի կողմից «Ո՛չ Արցախի զտմանը» խորագրով նախաձեռնած ստորագրահավաքին մասնակցում էր նաև ԱԺ «Պատիվ ունեմ» խմբակցության պատգամավոր Տիգրան Աբրահամյանը:
Անդրադառնալով 168.am-ի հարցադրմանը, թե երբ հնարավոր կլինի իրագործել անցակետերի հեռացման պահանջը՝ պատգամավորը հակիրճ արձագանքեց. «Առանց այս իշխանության հեռացման որևէ խնդիր չի լուծվելու»:
Տիգրան Աբրահամյանը ցավով արձանագրեց, որ 2018 թվականին իշխանության է եկել մի ուժ, որի համար Արցախի հարցի լուծումը պարզապես Արցախի չլինելն է:
«ՀՀ այս իշխանությունները համարում են, որ Արցախի հարցի փակմամբ, այսինքն՝ Արցախի՝ Ադրբեջանին հանձնմամբ, պարզապես ՀՀ և՛ անվտանգային խնդիրներն են ավարտվելու, և՛ բարեկեցությանն առնչվող հարցերը, բայց հետպատերազմյան ժամանակահատվածը ցույց է տվել, որ ադրբեջանական հավակնությունները միայն Արցախով չեն սահմանափակվում»,- հավելեց նա:
Մանրամասները տեսանյութում
