ՄԱԿ-ի գլխավոր քարտուղարն ու Թուրքիայի ԱԳ նախարարը քննարկել են իրադրությունն Ուկրաինայում
Միավորված ազգերի կազմակերպության գլխավոր քարտուղար Անտոնիու Գուտերեշը մայիսի 18-ին Թուրքիայի արտգործնախարար Մևլութ Չավուշօղլուի հետ հանդիպմանը քննարկել է իրադրությունն Ուկրաինայում: Այս մասին նշվում է ՄԱԿ-ի գլխավոր քարտուղարի գրասենյակի տարածած հաղորդագրության մեջ:
«ՄԱԿ-ի գլխավոր քարտուղարը և Թուրքիայի ԱԳ նախարարը մտքեր են փոխանակել Ուկրաինայում իրադրության և տարածաշրջանի իրադարձությունների վերաբերյալ: Կողմերը քննարկել են նաև դեպքերի զարգացումը Սիրիայում, Լիբիայում, Աֆղանստանում և Կիպրոսում»,- ասվում է հայտարարության մեջ:
