Քյարամյանի նշանակման պատճառով ԱԱԾ-ում բունտ է հասունանում
168.am-ի տեղեկություններով՝ Արգիշտի Քյարամյանի՝ ԱԱԾ տնօրենի տեղակալ նշանակման պատճառով ԱԱԾ-ում բունտ է հասունանում:
Մեր տեղեկություններով՝ ԱԱԾ մի քանի տասնյակ պաշտոնյաներ Քյարամյանի նշանակումից հետո աշխատանքից ազատման դիմումներ են գրել՝ հրաժարվելով աշխատել վերջինիս ենթակայության տակ:
Հիշեցնենք, որ ըստ տեղեկությունների, Արգիշտի Քյարամյանն առաջիկայում նշանակվելու է ԱԱԾ տնօրեն:
Այդ նպատակին հասնելու համար վերջինս նախ 12 ժամով նշանակվեց Քննչական կոմիտեի պետի տեղակալ, ուր նրա համար, ըստ մամուլում առկա տեղեկությունների, պետի տեղակալի 5-րդ հաստիքն էր բացվել, ապա պաշտոն ստացավ Ազգային անվտանգության ծառայությունում՝ զբաղեցնելով ԱԱԾ տնօրենի տեղակալի աթոռը։
Իսկ ՔԿ-ում կարճաժամկետ նշանակումը թերևս պայմանավորված էր կոչում ստանալու խնդրով, առանց որի Քյարամյանը չէր կարող զբաղեցնել իր ներկայիս պաշտոնը։
