Տուժած օբյեկտներում գտնվող ապրանքները ժամանակավորապես հանվել են վաճառքից․ Wildberries
Wildberries ընկերության ղեկավար Տատյանա Կիմը հայտարարել է, որ տուժած լոգիստիկ օբյեկտներում գտնվող ապրանքները ժամանակավորապես հանվել են վաճառքից
«Բոլոր իրավասու մարմինների հետ համատեղ շարունակում ենք աշխատանք կատարել մեր լոգիստիկ համալիրների վրա իրականացված հարձակումների հետևանքների վերացման ուղղությամբ։
Էլեկտրոստալում ԱԻՆ-ի աշխատակիցները շարունակում են մարել հրդեհի մնացած օջախները, ընթանում է հետևանքների վերացում։ Կոտովսկում հրդեհն ամբողջությամբ մարվել է։
Կատարողների համար մենք պատրաստ ենք պատասխանել բոլոր հարցերին և ցուցաբերել ողջ անհրաժեշտ աջակցությունը։ Խնդրում ենք կապ հաստատել մեզ հետ WB JOB-ում։ Մենք անպայման կօգնենք։
Հասկանում ենք, թե որքան կարևոր է հիմա մեր գործընկերների համար ապրանքը վերաուղղել ազատ լոգիստիկ համալիրներ։ Պլանավորված մատակարարումները կարելի է բեռնել ընկերության այլ պահեստներ. ամբողջ արդիական տեղեկատվությունը օպերատիվ կերպով թարմացվում է վաճառողների համար նախատեսված պաշտոնական ալիքներում։
Տուժած լոգիստիկ օբյեկտներում գտնված ապրանքները ժամանակավորապես հանվել են վաճառքից։ Մոտ ժամանակում դրանց մասին տեղեկատվությամբ կվերադառնանք։ Ես և իմ ամբողջ թիմը անում ենք հնարավոր ամեն ինչ»,- նշել է Կիմը։
