Վենսի աշխատակազմը հաստատել է Բագրատ սրբազանի նամակի ստացումը և հայտնել իր շնորհակալությունը. Christian Solidarity International
Ջեյ Դի Վենսի աշխատակազմը հաստատել է Բագրատ սրբազանի նամակի ստացումը և հայտնել իր շնորհակալությունը. X-ի էջում գրել է Christian Solidarity International-ը (CSI)։
Փոխնախագահ Ջեյ Դի Վենսն այսօր Հայաստան է ժամանում, որից հետո կայցելի Ադրբեջան։
Անցյալ շաբաթ CSI-ն կարողացավ այցելել արքեպիսկոպոս Բագրատ Գալստանյանին բանտում և նրա ստորագրված նամակը փոխանցել Ջեյ Դի Վենսին։
CSI-ն գնահատում է փոխնախագահի թիմի ներգրավվածությունը և աղոթում է, որ այս այցը թեթևացում բերի հալածյալներին։
«Մենք վստահ ենք, որ փոխնախագահը կհետևի արքեպիսկոպոսի ուղերձին և
1) կապահովի Ադրբեջանում և Հայաստանում պահվող հայ քրիստոնյա քաղբանտարկյալների ազատ արձակումը,
2) կստանա երաշխիքներ Արցախի բռնի տեղահանված հայերի՝ իրենց հին հայրենիք անվտանգ վերադարձի համար», – նշվում է գրառման մեջ։
