Ոչ մեկի խոսքին հավատալ չի կարելի, այդ թվում՝ Թրամփի. Պեսկով
Ռուսաստանի անվտանգության երաշխիքները պետք է օրինականորեն ամրագրվեն, քանի որ ոչ մեկի խոսքին հավատալ չի կարելի։ Այս մասին aif.ru-ին տված հարցազրույցում հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Ոչ մեկի խոսքին հավատալ չի կարելի։ Անհրաժեշտ են իրավաբանորեն պարտավորեցնող փաստաթղթեր»,- ասել է Կրեմլի ներկայացուցիչը՝ պատասխանելով այն հարցին, թե արդյոք կարելի է վստահել Արևմուտքի գործընկերներին, այդ թվում՝ ԱՄՆ նախագահ Դոնալդ Թրամփին։
Միևնույն ժամանակ, Պեսկովը հավելել է, որ նախ անհրաժեշտ է համաձայնեցնել սկզբունքները, ապա այդ համաձայնագրերը «թղթի վրա ամրագրել»։
