Իսպանիայի վարչապետը բաց է թողել «կամավորների կոալիցիայի» հանդիպումը
Իսպանիայի վարչապետ Պեդրո Սանչեսը չի կարողացել մեկնել Փարիզ՝ Ուկրաինայի հարցով այսպես կոչված «կամավորների կոալիցիայի» հանդիպմանը: Պատճառը ինքնաթիռի խափանումն է եղել։ Այս մասին հայտնել է իսպանական El Pais թերթը։
«Սանչեսը ստիպված է եղել վերադառնալ Մադրիդ ինքնաթիռի խափանման պատճառով»,- հաղորդել է թերթը։
Նշվում է, որ նախարարների և Իսպանիայի կառավարության ղեկավարի կողմից օգտագործվող ինքնաթիռները «շատ հին են և բազմիցս խափանվել են»։ Մեկնարկել են փոխարինող ինքնաթիռների քննարկումները:
