Զելենսկին ժամանել է Փարիզ
Ուկրաինայի նախագահ Վլադիմիր Զելենսկին ժամանել է Փարիզի Ելիսեյան պալատ՝ «կամավորների կոալիցիայի» հանդիպմանը մասնակցելու համար։ Այս մասին հաղորդում է ուկրաինական Общественные новости հրատարակությունը։
Ուկրաինացի առաջնորդին պալատի շեմին դիմավորել է Ֆրանսիայի նախագահ Էմանուել Մակրոնը։ Ձեռքսեղմումից հետո քաղաքական գործիչներն անմիջապես ներս են մտել։
Նշվում է, որ միջոցառմանը անձամբ կամ առցանց կմասնակցեն 39 երկրների ներկայացուցիչներ։ Մասնավորապես, Զելենսկին, Մակրոնը և ԱՄՆ հատուկ ներկայացուցիչ Սթիվ Վիտկովը անձամբ ներկա կլինեն հանդիպմանը։ Ավելի ուշ առաջնորդները նախատեսում են նաև զանգահարել ԱՄՆ նախագահ Դոնալդ Թրամփին։
Ըստ The New York Times-ի, քաղաքական գործիչները կքննարկեն Ուկրաինայում հակամարտության կարգավորման հարցը:
Միջազգային «կամավորների կոալիցիան» ներառում է մոտ 30 երկիր։ Խումբը գլխավորում են Ֆրանսիան և Մեծ Բրիտանիան։
