Չինաստանը արձագանքել է Թրամփի մեղադրանքին
Չինաստանի կողմից այլ երկրների, մասնավորապես՝ Ռուսաստանի և ԿԺԴՀ-ի հետ դիվանագիտական հարաբերությունների զարգացումը ուղղված չէ երրորդ կողմերի դեմ։ Այս մասին հայտարարել է Չինաստանի արտաքին գործերի նախարարության պաշտոնական ներկայացուցիչ Գո Ցզյակունը՝ ի պատասխան ԱՄՆ նախագահ Դոնալդ Թրամփի՝ «Միացյալ Նահանգների դեմ դավադրություն» նախապատրաստելու վերաբերյալ մեղադրանքի, հաղորդում է РИА Новости-ն։
«Չինաստանը երբեք չի թիրախավորում երրորդ կողմերին որևէ երկրի հետ դիվանագիտական հարաբերություններ զարգացնելիս»,- հայտարարել է դիվանագետը։
Ավելի վաղ Ռուսաստանի նախագահ Վլադիմիր Պուտինը Թրամփի խոսքերը համարել էր նրա հումորի զգացման դրսևորում։ «Միացյալ Նահանգների նախագահը զուրկ չէ հումորից, դա պարզ է, մենք բոլորս լավ գիտենք այդ մասին։ Ես նրա հետ լավ հարաբերություններ եմ զարգացրել, մենք միմյանց անունով ենք դիմում»,- ասել է Ռուսաստանի առաջնորդը։
