Միքայել Սրբազանի հետապնդումը քաղաքական հաշվեհարդարի և վրեժխնդրության դասական դեպք է․ ՀԱԵ Ռուսաստանի և Նոր Նախիջևանի թեմ
Արքեպիսկոպոս Միքայել Աջապահյանի հետապնդումը քաղաքական հաշվեհարդարի և վրեժխնդրության դասական դեպք է։ Նա պետք է անհապաղ ազատ արձակվի։
Ասվում է Հայ Առաքելական Եկեղեցու Ռուսաստանի և Նոր Նախիջևանի թեմի մամուլի ծառայության հայտարարության մեջ։
Հիշեցնենք, որ Շիրակի թեմի առաջնորդ Միքայել արքեպիսկոպոս Աջապահյանը կալանավորվել է երկու ամսով։ Նրա նկատմամբ քրեական գործ է հարուցվել իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։
