Գենետիկները ԴՆԹ-ում ծխելու հետևանքով խորը փոփոխություններ են հայտնաբերել
Չիկագոյի համալսարանի ամերիկացի գենետիկները վերլուծել են մարդու ինը տարբեր հյուսվածքների ավելի քան 900 նմուշ՝ հասկանալու համար, թե որքան խորն է ծխելու հետևանքով առաջացած բջջային և գենետիկական վնասը: Հետազոտությունը հրապարակվել է American Journal of Human Genetics (AJHG) գիտական հրատարակությունում:
Թիմը հավաքել է էպիգենետիկ տվյալներ՝ գնահատելու ծխելու ազդեցությունը գենետիկայի վրա:
Թիմն օգտագործել է ԴՆԹ-ի մեթիլացման տվյալները ինը հյուսվածքների, այդ թվում՝ թոքերի, հաստ աղիքի, ձվարանների, շագանակագեղձի, ամբողջական արյան, կրծքագեղձի, ամորձու, երիկամների և մկանների վերաբերյալ:
Թիմը վերլուծել է ԴՆԹ-ի մեթիլացման տվյալները ցիտոզին-գուանին (CpG) դինուկլեոտիդներում: Նրանք հայտնաբերել են ծխելու հետ կապված 6350 CpG թոքերի հյուսվածքում և 2753՝ հաստ աղիքի հյուսվածքում: Սա նշանակում է, որ ծխող կամ երբևէ ծխած մարդկանց մոտ այս գենետիկական շրջանները տարբերվում են այն մարդկանցից, ովքեր երբեք չեն ծխել:
Թոքերում եղել են գրեթե երեք անգամ ավելի շատ CpG-ներ, որոնք կապված են ծխելու հետ, քան հաստ աղիքում, ինչը խելամիտ է, քանի որ թոքերը անմիջականորեն ենթարկվում են ծխախոտի ծխին:
Գենետիկներն ասում են, որ նույն տեխնիկան կարող է օգտագործվել՝ պարզելու համար, թե բացի ծխելուց, ինչ այլ ազդեցությունների է ենթարկվել մարդը:
