Մսով լցոնած կարտոֆիլ

Բաղադրիչները՝

• 2-4 հատ խոշոր կարտոֆիլ
• 2 թ/գ բուսական յուղ
• 3-4 ճյուղ կանաչ սոխ
• 1 թ/գ չորացրած խնկածաղիկ (орегано)
• 2-3 ճյուղ թարմ ուրց
• 280 գ տավարի մսի խճողակ
• 120 գ տոմատի մածուկ
• 120-150 գ պանիր

Պատրաստման եղանակը

Կարտոֆիլները հատ-հատ փաթաթեք փայլաթիթեղով, 45 րոպեով տեղադրեք 200 աստիճան ցելսիուս տաքության ջեռոցում:

Թավայի մեջ թույլ կրակի վրա տաքացրեք բուսական յուղը: Կանաչ սոխը կտրատեք, տապակեք յուղի մեջ մինչև մի փոքր փափկելը:

Ավելացրեք խնկածաղիկն ու մանրացրած ուրցը: Մոտ 20 վայրկյան խառնեք:

Թավայի մեջ լցրեք մսի խճողակը, կրակը մի փոքր ուժեղացրեք ու լավ խառնեք:

Տապակեք մինչև միսը կարմիրից շագանակագույն երանգ ստանա: Ավելացրեք տոմատի մածուկն ու ևս 2-3 րոպե պատրաստեք:

Կարտոֆիլների փայլաթիթեղը կիսով չափ բացեք, կարտոֆիլի վերին շերտը կտրեք, միջուկը գդալով հանեք, կարտոֆիլը լցոնեք մսի խճողակով: Վրան լցրեք քերած պանիրը:

15 րոպե տապակեք 180 աստիճան ցելսիուս տաքության ջեռոցում: Հանեք ջեռոցից ու մատուցեք: