ՀՀԿ-իշխանություն համագործակցություն չի եղել ու չի կարող լինել. Հայկ Մամիջանյան
«ՀՀԿ-իշխանություն համագործակցություն չի եղել և չի կարող լինել»,- ԱԺ-ում լրագրողների հետ զրույցում ասաց «Պատիվ ունեմ» խմբակցության ղեկավար Հայկ Մամիջանյանը՝ պատասխանելով հարցին՝ արդյո՞ք ընդդիմությունը գերիներին վերադարձնելու վերաբերյալ հայտարարություն ընդունելու իր նախաձեռնությամբ խաղաթուղթ է տալիս իշխանություններին բանակցելու, ցույց տալու, որ երկրում կա ըմբոստություն, իշխանությունը համաձայն չէ, եթե գնան Բաքվում կայանալիք COP-29 միջոցառմանը՝ առանց գերիների վերադարձի պահանջի:
«Ինչ լավ կարծիքի եք իշխանության մասին: Եթե մենք ունենայինք հայրենասեր իշխանություններ, ապա այս հայտարարությունը, Հայաստանում տեղի ունեցող մասսայական, մեծ բողոքի ակցիաները կարող էին բանակցային գործընթացի ժամանակ ներկայացվել հետևյալ կերպ՝ ժողովուրդ, թարգեք ամեն ինչ ինձնից պահանջել, նայեք՝ իմ երկրում ինչ է կատարվում: Ես զրո ակնկալիք ունեմ, որ իշխանությունները մեկ՝ կարող են դա օգտագործել, երկրորդ՝ ուզում են դա օգտագործել: Ամենամեծ պրոբլեմը երկրորդն է, եթե նրանք չկարողանային, ձևերը կսովորեցնեինք»,- ընդգծեց նա:
Մանրամասները՝ տեսանյութում
