Բեֆստրոգանով՝ ոչխարի մսով ու դդմիկով
Բաղադրիչները՝
- 800 գ ոչխարի փափկամիս
- 500 գ դդմիկ կամ ցուկինի
- 4 հատ լոլիկ
- 2 գլուխ սոխ
- 3 պճեղ սխտոր
- 1 բաժակ մսի արգանակ
- 1/2 բաժակ կարմիր չոր գինի
- 4 ճ/գ բուսական յուղ
- 20 գ կարտոֆիլի օսլա
- 5 գ չորացրած ու մանրացրած խնկածաղիկ
- աղացած սև պղպեղ
- աղ
Պատրաստման եղանակը
Ոչխարի միսը բարակ տաշեղների ձևով կտրատեք, վրան կարտոֆիլի օսլա, աղացած սև պղպեղ ու խնկածաղիկ լցրեք: Բուսական յուղի մի մասով տապակեք:
Լոլիկն ու դդմիկը 1 սմ հաստությամբ օղակաձև կտրատեք:
Կտրտեք սոխն ու սխտորը, մնացած յուղի մեջ տապակեք դդմիկի հետ մեկտեղ:
Պատրաստի բանջարեղենը խառնեք ոչխարի մսին, վրան լցրեք արգանակը, գինին, աղ արեք ու 40 րոպե շոգեխաշեք:
Մատուցեք մակարոնի կամ բրնձի հետ:
