ՀՀ ԿԳՄՍՆ-ն, արդեն մեկ ամիս է՝ չի արձագանքում դասագրքի մասին մեր վերապահումներին. Արշակ արք. Խաչատրյան
Մայր Աթոռ Սուրբ Էջմիածնի դիվանապետ Տ․ Արշակ արքեպիսկոպոս Խաչատրյանը Մայր Աթոռ Սուրբ Էջմիածնում հայոց պատմության 7-րդ դասարանի նոր դասագրքի վերաբերյալ հրավիրված մամլո ասուլիսին հայտնեց, որ դասագրքի առնչությամբ իրենց վերապահումներին ու դիտարկումներին ՀՀ ԿԳՄՍՆ-ն, արդեն մեկ ամիս է, որևէ ձևով չի արձագանքում:
«Այդ բոլոր վերապահումներն ու դիտարկումները մենք առանձին նամակով ուղարկել ենք ՀՀ ԿԳՄՍ նախարարին: Մեկ ամիս շարունակ արձագանք չլինելու ընթացքում, իհարկե, իրենք նաև քննարկումներ են կազմակերպել: Այդ քննարկումներին էլ մենք որևէ ձևով ներգրավված չենք եղել»,- ասաց Մայր Աթոռ Սուրբ Էջմիածնի դիվանապետը:
Մանրամասները՝ տեսանյութում:
Նազելի Ստեփանյան
