Բրինձը՝ բանջարեղենի հետ
Բաղադրիչները
- երկարավուն բրինձ- 1 բաժակ
- ջուր- 1,5 բաժակ
- կանաչ լոբի- 200 գ
- կանաչ ոլոռ- 100 գ
- եգիպտացորեն- 100 գ
- կարմիր բուլղարական պղպեղ- 1 հատ
- սոխ- կես գլուխ
- սխտոր- 1 պճեղ
- բուսական յուղ, աղ, պղպեղ ու համեմունքներ՝ ըստ ճաշակի
Պատրաստման եղանակը
Բրինձը լվացեք ու հաստ հատակով թավայի մեջ բուսական յուղով անընդհատ խառնելով տապակեք: Տապակած բրնձի վրա եռացրած ջուր լցրեք ու թողեք եփի: Ջուրը եռալուց հետո կրակը թուլացրեք, թավայի կափարիչը փակեք ու եփեք մինչև ջրի գոլորշիանալը: Եփելու ընթացքում կափարիչը մի հանեք ու բրինձը մի խառնեք, որպեսզի շիլայի չվերածվի: Կրակից հանելուց հետո 10-15 րոպե թողեք հովանա:
Լոբին լվացեք ու կտրատեք, խորանարդաձև կտրատեք բուլղարական պղպեղն ու սոխը, սխտորը մանրացրեք: Կանաչ ոլոռն ու եգիպտացորենը կարող են լինել թարմ կամ պահածոյացված:
Անընդհատ խառնելով բուսական յուղի մեջ 3 րոպե տապակեք լոբին, ապա ավելացրեք մյուս բաղադրիչները: Մի քանի րոպե էլ տապակեք բանջարեղենը մինչև կիսով չափ պատրաստ լինելը: Բանջարեղենը պետք է խրթխրթան մնա, չփափկի: Տապակած բանջարեղենի վրա լցրեք բրինձը, աղ, պղպեղ ու համեմունքներ արեք և մատուցեք:
