Բայրամովը հորդորել է Հայաստանին անհապաղ ազատ արձակել ադրբեջանցի զինվորներին
Ադրբեջանի արտգործնախարար Ջեյհուն Բայրամովը կոչ է արել Հայաստանին անհապաղ ազատ արձակել Հայաստանում ձերբակալված ադրբեջանցի զինծառայողներին։
Ըստ ադրբեջանական լրատվամիջոցների, այս մասին նա հայտարարել է ԱՄՆ պետքարտուղարի Կովկասում բանակցությունների գծով ավագ խորհրդական Լուի Բոնոյի հետ զրույցի ժամանակ։
«Հայաստանը չի կատարել իր պարտավորությունները և ամբողջությամբ դուրս չի բերել իր զորքերը Ադրբեջանի տարածքից։ Բացի այդ, Հայաստանը շարունակում է Ադրբեջանի 8 գյուղերի օկուպացիան և պարբերական ռազմաքաղաքական սադրանքները»,- ասել է Բայրամովը։
Ադրբեջանի արտգործնախարար Ջեյհուն Բայրամովը Հայաստանի հետ Ադրբեջանի հարաբերությունների կարգավորման գործընթացը քննարկել է ԱՄՆ Պետդեպարտամենտի Կովկասում բանակցությունների գծով գլխավոր խորհրդական Լուի Բոնոյի հետ, հաղորդել է Ադրբեջանի ԱԳՆ մամուլի ծառայությունը։
