Միլիոնատերը հետնախորշից․ ով է Սունդար Պիչայը

Հնդիկ գործարարի մասին խոսում են բոլորը, նրան որպես օրինակ՝ հիշատակում են թե ձախողումների, և թե հաջողությունների մասին պատմելիս, իսկ աշխատակիցները նրան պարզապես երկրպագում են։

Սունդար Պիչայը Google-ը գլխավորում է 2015 թվականից: 2019 թվականի դեկտեմբերին նա նշանակվեց Alphabet-ի ղեկավար, այն բանից հետո, երբ հիմնադիրներ Լարի Փեյջը և Սերգեյ Բրինը հրաժարական տվեցին: Այժմ Պիչայը համատեղում է երկու պաշտոն և երկու ընկերությունների տնօրենների խորհրդում է:

Google-ի ներկայիս ղեկավարի տարեկան աշխատավարձը 2019 թվականին կազմել է 650 հազար դոլար: 2020 թվականից այն աճել է մինչև 2 միլիոն դոլար: Հաշվի առնելով նրա՝ Alphabet-ի բաժնետոմսերի արժեքը, Պիչայի կարողությունը հասնում է 1,46 միլիարդ դոլարի՝ 2021 թվականի սեպտեմբերի տվյալներով:

Պիչայ Սունդարաջանը ծնվել է 1972 թվականի հունիսի 10-ին Հնդկաստանի Չեննա քաղաքում՝ General Electric ընկերության (GEC) էլեկտրիկ-ինժեներ Ռագունաթ Պիչայի ընտանիքում:

«Մայրս թողեց դպրոցը ֆինանսական պատճառներով: Ինձ բախտ վիճակվեց հնարավորություններ ունենալ սովորելու համար: Ծնողներս վճռական էին տրամադրված կրթության հասանելիությանը, անկախ նրանից, թե ինչ ծախսեր են դրանք ենթադրում»,- ասել է Պիչայը լրագրող Մաթ Հոնանին:

Ինտերնետ հսկայի ապագա ղեկավարն իր առաջին տեխնոլոգիական կրթությունը ստացել է բակալավրում՝ մետաղագործության ոլորտում (B.Tech), և արծաթե մեդալի է արժանացել Հնդկաստանի տեխնոլոգիական ինստիտուտի Խարագպուրից: Ակադեմիական հաջողությունները նրան տվեցին Ստենֆորդի համալսարանի կրթաթոշակ և մագիստրոսի կոչում: Այնուհետև նա ընդունվեց Փենսիլվանիայի համալսարանի Ուորթոն դպրոցը, որտեղ նա ստացավ MBA:

Մինչև Google-ին միանալը, Պիչայն աշխատել է Applied Materials-ում (հեռախոսների, համակարգիչների և հեռուստացույցների համար չիպերի արտադրող) և McKinsey-ում (բիզնես խորհրդատվություն):

«Ես միշտ սիրում էի տեխնոլոգիան: Մեծանալով՝ երազում էի Սիլիկոնյան հովտի մասին»,- ասել է Պիչայը 2014թ. Դելիի համալսարանում տված հարցազրույցում:

Աշխատանքը Google-ում

2004 թվականին Պիչայը միացավ Google-ին՝ որպես Ապրանքի կառավարման փոխնախագահ: Նա աշխատել է գործիքագոտու վրա ՝ Microsoft Internet Explorer-ում և Mozilla-ի Firefox-ում որոնումներն ավելի դյուրին դարձնելու համար: Այստեղ հաջողությունը ոգեշնչեց Պիչային` գործարկելու Google-ի սեփական դիտարկիչը` Chrome-ը: Այն ստեղծվել է 2008 թվականին և դարձել հիթ:
2008 թվականին Պիչայը ստացավ արտադրանքի զարգացման փոխնախագահի պաշտոնը:
2009-ին Twitter-ը փորձեց գրավել Պիչային, սակայն լուրեր կան, որ Google-ը նրան պարգևատրել է մի քանի միլիոն դոլարով, որպեսզի նա մնա։
2012 թվականին Պիչայը դարձավ Google Chrome-ի և Բրենդավորված հավելվածների զարգացման փոխնախագահ:
2013 թվականին Google-ը նրան նշանակեց ընկերության Android բջջային օպերացիոն համակարգի ղեկավար: Պիչայը ստեղծեց համակարգի թեթև տարբերակ՝ Android Go-ն, որը թույլ սմարթֆոնների համար էր, և արդյունքում՝ Google-ն ավելացրեց օգտվողների թիվը:
Մինչև 2014 թվականը նա սկսեց զարգացնել Google Drive ամպային պահեստը, Google Քարտեզները և Gmail փոստի ծառայությունը:
2015 թվականի օգոստոսին Լարի Փեյջը հայտարարեց Alphabet-ի՝ որպես հոլդինգային ընկերության գործարկման մասին, և Google-ը դարձավ նրա դուստր ձեռնարկությունը: Պիչայը նշանակվեց Google-ի գործադիր տնօրեն:
2019 թվականի դեկտեմբերի 3-ին Պիչայը դարձավ Alphabet-ի գործադիր տնօրեն, մինչդեռ Google-ում նրա պաշտոնը մնաց:
Google-ը ղեկավարելու ընթացքում ընկերության աշխատակիցների թիվը կրկնապատկվել է և կազմել մոտ 140 հազար մարդ, իսկ Alphabet-ի փոխանակային արժեքը եռապատկվել է՝ կազմելով 1.6 տրիլիոն դոլար:

«Լավ տղա, ով մտածում է ուրիշների մասին»

«Որպես առաջնորդ՝ ձեր աշխատանքի հիմնական մասն այն է, որ այլ մարդկանց հաջողակ դարձնեք: Դա ոչ այնքան հաջողակ լինելու մասին է (քո մասին), որքան լավ մարդիկ ունենալու մասին: Եվ ձեր գործը նրանց համար խոչընդոտների վերացումն է, որպեսզի նրանք կարողանան հաջողության հասնել իրենց աշխատանքում»,- ասում է Պիչայը:

Google-ի ենթակաները միշտ սիրում էին Սունդար Պիչային՝ որպես առաջնորդ: Որպես գործադիր տնօրեն՝ նրա հեղինակությունը տարիների ընթացքում էլ ավելի աճեց։ «Նրան Google ում բառացիորեն երկրպագում են: Ինժեներներին դա դուր է գալիս: Ապրանքի ղեկավարները սիրում են նրան։ Բիզնեսը սիրում է նրան»,- գրում են աշխատակիցներից շատերը:

Google-ի մեկ այլ աշխատակից գրել է. «Նա հավաքագրեց, մարզեց, պատրաստեց և հիանալի թիմ կազմեց: Սունդարի արտադրանքի մենեջերները լավագույնների համբավն ունեին: Նա փորձում էր թշնամիներ չունենալ։ Նա առաջնորդեց այնպես, որպեսզի իր թիմը դարձնի հաջողակ՝ նվազագույն վնաս հասցնելով ցանկացած այլ թիմի»:

Նրան անվանում են մտածող ու հոգատար ղեկավար: Ենթադրվում է, որ նրա օրոք Google-ը դարձել է ավելի կարգապահ և կազմակերպված, քան նախկինում էր:

Այնուամենայնիվ, պահպանողական առաջնորդության ոճը չի պաշտպանում Պիչային ներքին խնդիրներից: Աշխատակիցներն ավելի ու ավելի շատ են մտահոգություն հայտնում ամեն ինչի մասին՝ սեռական ոտնձգությունների դեմ պայքարից մինչև կառավարման փորձ և պայմանագրերի կնքում: 2018-ին կոնֆլիկտ սկսվեց Project Maven-ի՝ Պենտագոնի ռազմական արհեստական բանականության փորձնական ծրագրի շուրջ, ինչպես նաև զանգվածային աշխատակիցների գործադուլներ սկսվեցին՝ ի նշան ընկերության՝ սեռական ոտնձգությունների վերաբերյալ գործողությունների դեմ բողոքի: 2020 թվականին Google-ի արհեստական ինտելեկտի առաջատար հետազոտող Թիմնիտ Գեբրուի վիճահարույց աշխատանքից ազատումը հանգեցրեց աշխատակիցների բողոքի:

Բայց բողոքում են ոչ միայն տեխնոլոգիական հսկայի աշխատակիցները: 2021 թվականի հունիսին Google-ի՝ թվով 15 նախկին և ներկայիս ղեկավարներ, ովքեր չէին ցանկացել իրենց անուններով ներկայանալ, The New York Times-ին ասել էին, որ Google-ի չափերի և շուկայի կապիտալիզացիայի հետ մեկտեղ՝ այն բախվում է գերիշխող դիրք ունեցող ընկերություններին բնորոշ մարտահրավերներին։ Հրատարակության տվյալներով ՝ 2020 թվականից ընկերությունից հեռացել են 36 փոխնախագահներ:

Google-ի արտադրանքը յուրօրինակ գաղափարներ չեն: Նախկին գործադիրներից մեկն ասել է, որ ռիսկից խուսափելը շարունակական հետազոտությունների և զարգացման մարմնավորումն է։ Թիմերը կթաքցնեն ապրանքները, եթե մրցակիցը նոր բան ստեղծի, և Google-ին անհրաժեշտ է արագ արձագանքել:

Սունդար Պիչայի մյուս թերությունը երկար կադրային որոշումներն են: Օրինակ, Google-ից պահանջվեց ավելի քան մեկ տարի, որպեսզի ընտրի Հալիմա ԴեԼանա Պրադոյին՝ որպես գլխավոր խորհրդական: Միևնույն ժամանակ, Պրադոն ընկերության իրավաբանական բաժնի փոխտնօրենն էր, և նրա անունն առաջինն էր Պիչայի կողմից տրամադրված պաշտոնի թեկնածուների ցանկում: Երկար որոնումները կատակ են դարձել արդյունաբերության գլխակերների շրջանում:

Էլ ինչո՞վ է հայտնի Սունդար Պիչայը:

Պիչայը սիրում է ֆուտբոլ խաղալ: Նա կատալոնական «Բարսելոնայի» երկրպագու է:
Նա երազում էր կրիկետ խաղալ: Պիչայը հնդիկ Սունիլ Գավասկարի երկրպագու է, ով ներկայացնում էր Հնդկաստանը և Բոմբեյը 1970-1980 թվականներին։
Սիրում է կարդալ անգլերեն և դիտել «Ընկերներ» սերիալը:
2014 թվականին Պիչայի անունը առաջարկվում էր՝ որպես Microsoft-ի գործադիր տնօրենի թեկնածու Սաթյա Նադելլային փոխարինող:
Նա Google-ին դրդեց համագործակցել Հնդկական երկաթուղիների հետ՝ երկաթուղային կայարաններում անվճար Wi-Fi ապահովելու համար:
Պիչայը ամեն օր առավոտյան մի բաժակ թեյով կարդում է The Wall Street Journal-ի տպագիր տարբերակը: Թերթի և թեյի հետ անցկացրած ժամանակն օգնում է նրան արթնանալ և սկսել խաղալ:
Google-ի ղեկավարը բուսակեր է:
Սիրում է քայլել: Հաճախ աշխատանքային հանդիպումներ է անցկացնում ճանապարհին:
Նա արտասովոր հիշողություն ունի, հատկապես՝ հեռախոսահամարների հարցում:
2020 թվականի ապրիլին Պիչայը 1 մլն դոլար նվիրաբերեց կորոնավիրուսից տուժած Սան Ֆրանցիսկոյի շրջանում գտնվող անապահով ընտանիքներին:
Google-ի ղեկավարի գրած առաջին ծրագիրը շախմատային պարտիան էր:
Պիչայի որոշ խոշոր արտադրանքները ձախողվել են՝ Google Glass, Google Plus, Google Wave, Project Loon:
Սունդար Պիչայը կոչվում էր Լարի Փեյջի «թարգմանիչ»: Հասկանալով Փեյջի տեսլականը, ծրագրերն ու գաղափարները, նա կարող էր այն հաղորդել այլ թիմերի:
2020 թվականին Պիչայը գտավ իր համար նոր հոբբի՝ YouTube-ում տեսանյութեր պատրաստելը: Google-ի ղեկավարի զրոյից պատրաստած առաջին ուտեստը պիցցան էր: