Ինչպիսի նոյեմբեր է սպասվում Հայաստանում. ամսական կանխատեսում
Հայաստանում օդի ջերմաստիճանը և տեղումների քանակը նոյեմբերին կլինի նորմայի սահմաններում` դրական շեղումով։ Տեղեկությունը հայտնում է Հիդրոօդերևութաբանության և մոնիտորինգի կենտրոնը՝ ներկայացնելով աշնան վերջին ամսվա եղանակային կանխատեսումը։
Նոյեմբերի առաջին տասնօրյակը համեմատաբար տաք է լինելու, իսկ նոյեմբերի երրորդ տասնօրյակում օդի ջերմաստիճանը կնվազի։
Օդի միջին ջերմաստիճանը նոյեմբերին ամենաբարձրը կլինի Սյունիքում՝ +11, այնուհետև Տավուշում՝ +9, Արարատում, Արմավիրում, Վայոց Ձորում և Երևանում՝ +8, Կոտայքում, Արագածոտնում և Լոռիում՝ +6, Գեղարքունիքում՝ +4, Շիրակում՝ +3:
Ամսվա ընթացքում տեղումների քանակը նորմային մոտ կլինի։
