«Ցեղասպանության ճանաչումը մեզ ոչինչ չի տալիս. ԱՄՆ-ը նպատակն է՝ կարգի հրավիրել Էրդողանին. ցավում եմ, որ մենք սա չենք հասկանում և ապրում ենք քաղաքական ռոմանտիզմի ազդեցության տակ». Տիգրան Սարուխանյան

Ցեղասպանագետ Տիգրան Սարուխանյանը, ով երկար տարիներ զբաղվել է ցեղասպանության հարցերով, համոզված է.

• Մենք ինքներս ենք նպաստել, որպեսզի արտաքին ուժերը մեր երկրում զբաղվեն ապազգային և հակապետական գործունեությամբ:

• 1994-ին, մեր հաղթանակից հետո միայն զինադադար կնքելուց հետո մենք հնարավորություն տվեցինք թշնամուն պատրաստվել նոր պատերազմի:

• Հայոց ցեղասպանությունը կազմակերպվել է նաև գերմանական իշխանությունների թույլտվությամբ և անմիջական մասնակցությամբ:

• Ցեղասպանության ճանաչումը մեզ ոչինչ չի տալիս. ԱՄՆ-ը նպատակն է՝ կարգի հրավիրել Էրդողանին. ցավում եմ, որ մենք սա չենք հասկանում և ապրում ենք քաղաքական ռոմանտիզմի ազդեցության տակ:

• Եթե մեր քաղաքացին սեփական երկրում այնքան դժբախտ է, որ պատրաստ է քիրվայություն անել հարևանի հետ՝ միայն թե ստամոքսը դատարկ չլինի, ուրեմն մենք մեղավոր ենք:

• Թուրքիայի հետ սահմանների բացումը համարում եմ լուրջ սպառնալիք հայ ժողովրդի ֆիզիկական գոյության համար:

• Հայոց ցեղասպանության հետևանքների վերացման նպատակը պետք է լիներ ոչ թե ճանաչումը, այլ ուժեղ պետության ստեղծումը:

• Սյունիքը միշտ եղել է ուռուցք թուրքական օրգանիզմում, որը սպառնում է նրա իղձերի իրականացմանը:

• Փաշինյանի այցը Սյունիք պրովոկացիա էր՝ կոնկրետ նպատակով:

• Նիկոլ Փաշինյանն այսօր որևէ հարց չի լուծում, իրեն կառավարում են դրսի ուժերը, մեր փոխարեն մեր հարցերը լուծում են գերտերությունները՝ կուլիսային բանակցություններում:

• Մենք միջնադարյան քաղաքական ռոմանտիզմից չենք հասունացել, իսկ մեր հարցերը լուծում են բոլորը՝ բացի մեզնից:

• 2018 թվականից հետո Նիկոլ Փաշինյանի մարտնչող հայտարարությունները երկիրը հասցրեցին այս վիճակին:

• Նիկոլ Փաշինյանը երկիրը կանգնեցրեց սոցիալ-տնտեսական սարսափելի վիճակում:

• Ազգային անվտանգության ծառայությունը պետք է շահագրգռված լինի երկրի, ոչ թե վարչապետի անվտանգությունը պահպանելու հարցերով:

• Նիկոլ Փաշինյան, քո երեսին ասում են այն, ինչ ճշմարտությունն է և դրա համար պետք չէ մարդկանց դատել: