«Կլոպն այն ամենն է, ինչ «Լիվերպուլին» պետք է հենց հիմա և ապագայում»․ Օոուեն
«Լիվերպուլի» նախկին հարձակվող Մայքլ Օուենը խոսել է «կարմիրների» գլխավոր մարզիչ Յուրգեն Կլոպի մասին:
«Ինձ տպավորելը դժվար է, բայց ամեն անգամ, երբ այս տղան բացում է իր բերանը, ես չեմ կարող դադարել լսել: Կարծում եմ, որ նա պարզապես հիանալի է:
Ակումբը, քաղաքը, բոլորն ընդունեցին նրան, և նա նրանց ևս ընդունեց: Կլոպն այն ամենն է, ինչ «Լիվերպուլին» պետք է հենց հիմա և ապագայում: Ակումբն այս պահին ձգտում է գերազանցության: Միակ հարցն այն է, թե ինչքա՞ն կարող է նա շարունակել այսպես: Քանի՞ գավաթ կհաղթի դեռ «Լիվերպուլը»: Բայց Կլոպն արժանի է այս ամենին։
Համոզված եմ, որ կարճատև արձակուրդից հետո նա նորից իրեն հարց կտա, թե ինչպե՞ս ակումբը կարող է պաշտպանել չեմպիոնությունը»,- ասել է Օուենը:
Սիրարփի Աղաբաբյան
