Ադրբեջանական սադրանքը ձախողվեց. Մոսկվայի հայերը գնել են Ֆուդ Սիթիից հանված ֆուռերի հայկական ծիրանը
Ռուսաստանաբնակ հայերը մոբիլիզացվել, տասնյակ կիլոմետրեր կտրել, հասել և գնել են Մոսկվայի մեծածախ «Ֆուդ Սիթի» շուկայից դուրս հանված ֆուռերում եղած ամբողջ հայկական ծիրանը: Սոցիալական ցանցերում հայերը տարբեր տեսանյութեր են տարածում:
«Մի քանի ժամվա մեջ Մոսկվայի շրջանի տարբեր հատվածներից, տարբեր տեղերից մեր հայությունը եկել հասել է այստեղ: Անձամբ ես քառասուն կիլոմետր քշել, եկել եմ այստեղ, որ մեր գյուղացու քրտինքը չընկնի ջուրը: Մի քանի ժամում ամբողջ ծիրանը վաճառվել է»,-տեսանյութերից մեկում ասում է քաղաքացին:
Մոսկվայի ամենամեծ մեծածախ շուկաներից մեկից՝ «Ֆուդ Սիթի» գյուղատնտեսական ապրանքների շուկայից հուլիսի 16-ի գիշերը հանել էին հայկական ապրանքներով բեռնված ֆուռերը. որոշ մատակարարներ ահազանգում էին, որ մթերքն արդեն փչացել է: Կասկածներ կան, որ այդ ամենի հետ կարող են կապ ունենալ ադրբեջանցիները: Հայաստանում պատասխանատու մարմինները տեղյակ են խնդրին։ Կարգավորման ուղղությամբ քայլեր են կատարվում` խնդրի շուտափույթ լուծման ակնկալիքով։
???Տեսանյութը և գրառումը՝ Գոռ Փափազյանի Բա մենք կթողե՞նք մեր գյուղացու 1 տարվա չարչարանքը գնա կորի…մի քանի ժամում ամբողջ ծիրանը վաճառվեց ?Այ սենց ենք մենք, երբ համախմբվում ենք, իսկ թշնամին թող տենա ու իմանա, որ մեր հայրենասիրության ուժը մեր իրար սիրելու մեջ ա, ոչ թե հակառակորդին ատելու: Դրա համար էլ մենք միշտ հաղթող ենք ու հաղթելու ենք:Հա, Լեռնային Ղարաբաղն էլ, երբեք չի լինելու Ադրբեջանի կազմում…
Gepostet von Նորությունների ակումբ am Freitag, 17. Juli 2020
