Ի՞նչ խնդիրներ է լուծում «Ազգային», կամ ավելի ճիշտ կլիներ այն անվանել`«Տեղական» ավիափոխադրողը. Հակոբ Ճաղարյան

Հակոբ Ճաղարյանը ֆեյսբուքյան իր էջում գրում է. «ՀԱՅԿԱԿԱՆ (ԱԶԳԱՅԻՆ) ԱՎԻՓՈԽԱԴՐՈՂՆԵՐԻ ԱՆՀՐԱԺԵՇՏՈւԹՅԱՆ ՄԱՍԻՆ

(Հատվածներ ՀՀ Կառավարություններկայացրած «ՀՀ Քաղաքացիական Ավիացիայի զարգացման Հայեցակարգից)

Նախորդ գրառումներումս արդեն անդրադարձել եմ «Ազգային» (National Carrier) և «Դրոշակակիր» (Flag Carrier) հասկացողությունների միջազգային ձևակերպումներին:
Հիշեցնեմ, որ բազմպիսի ամբիոններից բազմիցս հնչեցված` իբր «Ազգային Ավիափոխադրող» նշանակում է պետական գումարներով, արտնություններով, վնասով աշխատող… և այլ նմանօրինակ ներկայացումները բացարձակ ապակողմնորոշում են, և ոչ մի աղերս չունեն իրականության հետ:

«Ազգային» կոչվում է երկրում գրանցված, տվյալ երկրի օրենքներով աշխատող, երկրի ավիաշուկայի միակ, կամ հիմնական ավիափոխադրողը:
Որն իր հերթին բազմաթիվ քաղաքական և տնտեսական խնդիրների լուծման համար հանդիսանում է ԱԶԳԱՅԻՆ ԳՈՐԾԻՔ:

Ոչ մի բառով անդրադարձ չի կատարվում նրա սեփականության ձևին: Այն կարող է լինել պետական, մասնավոր, կամ համատեղ կապիտալով հիմնված:

Ի՞նչ խնդիրներ է լուծում «Ազգային», կամ ավելի ճիշտ կլիներ այն անվանել`«Տեղական» ավիափոխադրողը`

Քաղաքական Ոլորտում

– Քաղաքական անկախություն;
– Պաշտպանվածություն և անդադար կապ աշխարհի հետ ռազմական իրավիճակներում և բնական աղետների դեպքում ;
– Կապ արտերկրի հետ;

Տնտեսական ոլորտում`

– Մրցակցություն, (նրանից հետևող արդյունքներով` ծառայությունների որակի բարձրացում և սպասարկման գների նվազում);
– Ավիափոխադրումների ավելի լայն աշխարհագրություն;
– Արտաքին շուկաների սպասարկման հնարավորություն;
– Զբոսաշրջության և տնտեսական այլ ոլորտների զարգացում;
– Աշխատատեղեր և բարձր զբաղվածություն;
– Հարակից ծառայությունների սպառման ծավալների աճ;
– Լրացուցիչ պետական եկամուտներ

Ցանկացած կետ պատրաստ եմ բացել քննարկումներում:

Ցանկանում եմ նշել, որ «Հայեցակարգի» ներկայացված մասի հիմնական կազմողը Վահան Հարությունյանն է:
Հարցերը կարող եք ուղղել նաև նրան»: