Պուտինը երկօրյա այցով մեկնել է Հնդկաստան. Մոդին դիմավորել է և գրառում կատարել
Ռուսաստանի նախագահ Վլադիմիր Պուտինի ինքնաթիռը վայրէջք է կատարել Պալամի Հնդկաստանի ռազմաօդային բազայում. հաղորդում է ՌԻԱ Նովոստին։
Լրատվամիջոցը նշում է՝ Հնդկաստանի վարչապետ Նարենդրա Մոդին անձամբ է դիմավորել ՌԴ նախագահին թռիչքուղու մոտ։ Այնուհետև երկու առաջնորդները նույն մեքենայով մեկնել են ոչ պաշտոնական հանդիպման. այն կլինի մասնավոր։
Հնդկաստանի նախագահ Մոդին ՌԴ նախագահ Վլադիմիր Պուտինի` Հնդկաստան ժամանման կապակցությամբ X-ում ռուսերեն գրառում է հրապարակել:
«Ուրախ եմ Դելիում ողջունել իմ ընկերոջը ՝ նախագահ Պուտինին։ Անհամբեր սպասում ենք մեր հանդիպումներին այսօր երեկոյան և վաղը: Հնդկաստանի և Ռուսաստանի միջև բարեկամությունը ժամանակի փորձարկված է, այն հսկայական օգուտ է բերել մեր ժողովուրդներին»,- նշել է Հնդկաստանի նախագահը։
