Անգլուհին բացահայտել է կարանտինի ժամանակ նիհարելու գաղտնիքը

Անգլիական Միրսբրուք քաղաքի բնակչուհին կարողացել է նիհարել կարանտինի ընթացքում և կիսվել է գաղտնիքով: Նրա պատմությունը գրել է Daily Mail-ը:

Կարանտինի հայտարարվելուց հետո ապահովագրական ընկերության 28-ամյա աշխատակից Ռեբեկա Հաննան որոշել է կարգի բերել իր մարմինը: Ռեբեկան կշռում էր 69.8 կիլոգրամ և բարդույթավորվում էր իր մարմնի պատճառով:

Փետրվարից նա սնվում է հատուկ սննդակարգով և ամեն օր մարզվում է: Անգլիացի կինը սկսել է նախապատվությունը տալ առողջ սննդին, ուտել վարսակի շիլա և ավոկադո:

Շաբաթվա ընթացքում երկու-երեք անգամ նա ուտում է պիցցա, չիպսեր, պաղպաղակ կամ մեքսիկական ուտեստներ:

Հաննան նշում է, որ  օգտվել է առցանց մարզչի ծառայություններից, որը նրա համար կազմել է սննդի և վարժությունների պլան:

Այժմ Հաննան նիհարել է 6 կիլոգրամ, իսկ նրա մարմինն ավելի սլացիկ է դարձել:

Պատրաստեց Անի Գաբուզյանը