Թրամփը չի շտապում Իրանի հարցով որոշում կայացնել
ԱՄՆ նախագահ Դոնալդ Թրամփը հայտարարել է, որ չի շտապում Իրանի հարցով որևէ որոշում կայացնել՝ նշելով, որ հարկավոր է սպասել մինչև նոր տարվա սկիզբը։
«Ես չեմ շտապում Իրանի վերաբերյալ որևէ որոշում կայացնել։ Տեսնենք, թե ինչ տեղի կունենա նոր տարվա սկզբից հետո»,- ասել է Թրամփը Իսրայելի 12-րդ հեռուստաալիքին տված հեռախոսային հարցազրույցում։
Հարցազրույցը տեղի է ունեցել ինքնաթիռում՝ ԱՄՆ վերադառնալու ճանապարհին։ Թրամփը Չինաստանի Շենժեն քաղաքից էր մեկնում, որտեղ կայացել էր Ռուսաստանի նախագահ Վլադիմիր Պուտինի և Չինաստանի նախագահ Սի Ծինփինի հետ եռակողմ հանդիպումը։
Հեռուստաալիքի հաղորդմամբ՝ Թրամփը կարող է ցանկացած պահի փոխել իր դիրքորոշումը՝ հաշվի առնելով Իսրայելի վարչապետ Բենիամին Նեթանյահուի ճնշումը։ Իսրայելական և միջազգային լրատվամիջոցները բազմիցս հայտնել են, որ Նեթանյահուն կոչ է անում ԱՄՆ-ին անհապաղ սկսել Իրանի դեմ նոր ռազմական գործողություն։

