Ինդոնեզիայում երեք ուսանող է զոհվել քարանձավի հեղեղման հետևանքով. The Jakarta Post
Փրկարարները դուրս են բերել այն երեք ուսանողների մարմինները, որոնք զոհվել են Արեւմտյան Ճավայի նահանգում քարանձավի հեղեղման հետեւանքով: Այդ մասին հայտնել է The Jakarta Post թերթը:
Հրատարակության տվյալներով՝ ուսանողները ուսումնական հաստատությանն առընթեր բնության սիրահարների ընկերության անդամներ էին եւ կազմակերպված խմբի հետ միասին արշավի էին ուղեւորվել քարանձավ: Ինչպես նշում են փրկարարները, երիտասարդները, ամենայն հավանականությամբ, մահացել են թթվածնի անբավարարությունից՝ սկսված խուճապի պատճառով:
Նշվում է, որ հեղեղման է հանգեցրել սաստիկ տեղատարափը, որի պատճառով ուսանողներն արգելափակվել են քարանձավում, հաղորդել է ՏԱՍՍ-ը:
