
Մոուրինիոն համաձայնել է վաճառել Պոլ Պոգբային

Ինչպես հաղորդում է Daily Mail-ը, «Մանչեսթեր Յունայթեդի» գլխավոր մարզիչ Ժոզե Մոուրինիոն պատրաստ է վաճառել կիսապաշտպան Պոլ Պոգբային այս ամառ:
Փոխհարաբերությունները ֆուտբոլիստի և մարզչի միջև վատթարացել են, դրա համար Մոուրինիոն դեմ չի լինի, որ Պոգբան ամառային տրանսֆերային պատուհանի ժամանակ հեռանա թիմից: Ֆրանսիացի կիսապաշտպանի ծառայություններով հետաքրքրված է ՊՍԺ-ն, որի ներկայացուցիչներն արդեն սկսել են բանակցությունները ֆուտբոլիստի հետ:
«Յուվենթուսից» վերադառնալուց հետո Պոլ Պոգբան երկրորդ մրցաշրջանն է անցկացնում «Կարմիր սատանաների» կազմում: ԱՊԼ-ի ընթացիկ մրցաշրջանում անցկացրած 22 խաղերում Պոգբան խփել է 5 գոլ և կատարել է 9 փոխանցում:
Պատրաստեց Անի Գաբուզյանը